CNF ၏ ငြိမ်းချမ်းရေး သဘောတူညီချက် ရှင်းလင်းပွဲ ချင်းလူထု ၅၀၀ ခန့် တက်ရောက်

0

CNF ၏ ဒုတိယအကြိမ်ပြည်ထောင်စုအဆင့် သဘောတူညီချက် ရှင်းလင်းပွဲသို့ ရန်ကုန်ရှိ ချင်း နိုင်ငံရေး ပါတီများ၊ ဘာသာ ရေးအဖွဲ့ အစည်းများ၊ မိဘပြည်သူများ ၅၀၀ ခန့်တက် ရောက်ခဲ့ ကြသည်။

ရှင်းလင်းပွဲကို ၁၁ ဒီဇင်ဘာ ၂၀၁၂ တွင် ရန်ကုန်မြို့ Myanmar Institute Theological Hall တွင် ညနေ ၂ နာရီမှ ၄ နာရီအထိ ပြုလုပ်ကြသည်။

ရှင်းလင်းပွဲ အဖွင့် အမှာစကားကို အထွေထွေအတွင်းရေးမှူးချုပ် ပူးဇင်ကျုံးက ၄င်း၊  ဒီမိုကရေစီ ရေးရာ ဆိုင်ရာကို အဓိပတိ ကောင်စီဝင် ဆလိုင်းကစ်ခိုလျန်က ၄င်း ၂၇ ချက်ပါ ငြိမ်းချမ်းရေး သဘောတူညီချက်ကို အဓိပတိကောင်စိဝင် ပူး သော မတ်စ်ထန်နိုးတို့က ရှင်းလင်းပြောကြား ခဲ့ကြသည်။

“ ချင်းအမျိုးသားတွေရဲ့အားထုတ်မှုနဲ့ ပြည်ထောင်စုအစိုးရ၊ ၂၀၁၀ နိုင်ငံရေးပါတီများရဲ့ ကြိုးပမ်း မှုကြောင့် သာ ယခုလို တွေ့ ဆုံနိုင်တာဖြစ်ကြောင်း CNF အနေနဲ့  အစိုးရနဲ့ တွေ့ဆုံဆွေးနွေး တဲ့နေရာမှာ မိမိတို့ ရဲ့ ငြိမ်းချမ်းရေးဖြစ်စဉ် သုံးရပ်၊ UNFC ရဲ့ ငြိမ်းချမ်းရေးလုပ်ငန်းစဉ် (၆) ချက်ကို လက်ကိုင်ပြုပြီး ဆွေးနွေးနေ တာဖြစ်ကြောင်း  ပူး ဇင်ကျုံးက ပြောသည်။

ချင်းအမျိုးသားနေ့၊ ချင်းပြည်နယ်နေ့နဲ့ပါတ်သက်ပြီး အစိုးရနဲ့ သဘောတူထားမှုအပေါ် အထူး ၀မ်းမြောက် ၀မ်း သာဖြစ် ကြောင်း အလားတူစွာ ချင်းယဉ်ကျေးမှုရိုးရာပွဲတော်ဖြစ်သည့် ခွါဒိုပွဲ ကိစ္စကိုလည်း အစိုးရနဲ့ ဆွေးနွေး ပွဲမှာ ထည့်သွင်း ဆွေးနွေးဖို့လည်း Chin Progressive Party အတွင်းရေးမှူး Pu Daithung က တင်ပြသွားသည်။

ထို့အပြင် CNF ငြိမ်းအဖွဲ့သည်  88 Generation Student မှ ဦးကိုကိုကြီး၊ ဦးဌေးကြွယ်၊ ကို ဂျင်မီတို့ နဲ့ တွေ့ဆုံ ခဲ့ကြ သည်။

“အဓိက တန်းတူရေး၊ ပြည်ထောင်စုအရေးမှာ နှစ်ဖက်သဘောထားဆန္ဒတူညီကြပါတယ်၊ လက်ရှိ နိုင်ငံရေး ဖြစ်စဉ် ကို ပြည် သူလူထု တရပ်လုံး ချပြဖို့ တာဝန်ရှိကြောင်း လည်း ဆွေးနွေးကြပါတယ်၊  88 အဖွဲ့အနေ ဖြင့် ချင်းတောင်ကို တက်လာဖို့ ပြင်ဆင်ထား တဲ့ အပေါ် လှိုက်လှိုက်လှဲလှဲကြို ဆိုပါတယ် ”  ဟု အထွေထွေ အတွင်းရေးမှူးချုပ် ပူး ပေါလ်ဆီထာ က ပြော သည်။

88 Generation Student သည် ယခုနှစ် ဒီဇင်ဘာ ၁၃ ရက်နေ့တွင် နှစ်နှစ် ပြည့်တော့မည်ဖြစ် သည်၊ အဓိကအားဖြင့်  Peace and Open Society ကို အဓိက လုပ်ဆောင် အကောင်အ ထည်ဖော်နေ ကြသည်။

ထို့အပြင် ယနေ့ ငြိမ်းအဖွဲ့သည် ယနေ့တွင် UNLD ခေါင်းဆောင်များ၊ ချင်းစာပေနဲ့ ယဉ်ကျေးမှုကော်မီတီ နှင့် နိုင်ငံ တကာ သံရုံးများနှင့် တွေ့ဆုံကြကြောင်း  သိရသည်။

Share.

About Author

Comments are closed.