CNF မှ ချင်းပြည်သူများထံ နှစ်သစ် သ၀ဏ်လွှာ ပေးပို့

0

ချင်းအမျိုးသားတပ်ဦးက ချင်းပြည်သူများအား ၂၀၁၃ ခုနှစ် နှစ်သစ်မှာ ပျော်ရွှင်မှု၊ ၀မ်းမြောက်မှု၊ ငြိမ်သက် မှုများနဲ့  စိတ်သစ် လူသစ်၊ အားမာန် အပြည့်ဖြင့် နှစ်သစ်မင်္ဂလာအခါကို ဆင်နွဲနိုင်ကြ ပါစေကြောင်း နှုတ်ခွန်းဆက် သ၀ဏ်လွှာ ပေးပို့ လိုက်သည်။

၂၀၁၃ ခုနှစ် မတ်လ ၂၀ ရက်နေ့သည် ချင်းအမျိုးသားတပ်ဦးထူထောင်သည့် ၂၅ နှစ် တင်းတင်းပြည့် တော့မည့် ကာလတွင် ချင်းအမျိုးသားတပ်ဦး၏ ၂၅ နှစ်တာ ပြည်သူ့တော်လှန်ရေးလှုပ်ရှားမှုသည် ချင်းပြည်သူ များ၏ ကြိုး ပမ်းအား ထုတ်မှု၊ နိုင်ငံရေးအရ ပေါင်းစည်းမှု၊ အင်အားစုစည်းမှု တို့ကြောင့် ပြည်သူ့တော်လှန်ရေး လှုပ်ရှားမှု အသွင်သို့ ရောက်ရှိနေပြီကြောင်း ဖော်ပြထားသည်။

ချင်းအမျိုးသားတပ်ဦးသည် ၂၀၁၂ ခုနှစ် ဇန္န၀ါရီလမှ စပြီး ပြည်ထောင်စု မြန်မာနိုင်ငံအစိုးရနှင့် ငြိမ်း ချမ်းရေး ရယူပြီးချိန်မှ စပြီး ထာဝရငြိမ်းချမ်းရေးဖြစ် တည်လာဖို့   ချင်းပြည်သူများနှင့် ငြိမ်းချမ်းရေး ဆိုင်ရာ တွေ့ဆုံဆွေး နွေးမှုများကို ကျယ်ကျယ်ပြန့်ပြန့်ပြုလုပ်နေခဲ့သည်။

သ၀ဏ်လွှာတွင် ချင်းအမျိုးသားများ၊ ချင်းပြည် သူများ၊နိုင်ငံရေးပါတီများ၊ လူထုအဓိက အခြေပြု အဖွဲ့ အစည်းများ၊ ဘာသာရေး အသင်းအဖွဲ့များ၏ အမျိုးသားရေးဆိုင်ရာ စုစည်းမှုကို ကြောက်ရွံ့ နေကြ သူများ၊ ရန်သူ့ဖက်တော်သားများနှင့် ကိုယ်ကျိုးရှာအဖျက်သမားများ၏ ရန်အား သတိဝိရိယဖြင့် ရင် ဆိုင်ဖော်ထုတ်ပြီး တိုက်ထုတ် သွားကြရန် နှင့် အမျိုးသားစည်းလုံး ညီညွတ်ရေး ကို နှောင့်ယှက်ဟန့် တား နေသူများအား ဖော်ထုတ်ပြီး စည်းလုံးမှု ကို အမိအရ တည်ဆောက် သွားကြရန် ဆက်လက် တိုက် တွန်းထားသည်။

ထို့အပြင် ချင်းအမျိုးသားတပ်ဦးအနေဖြင့် ချင်းပြည်သူများ၊ အစိုးရမဟုတ်သောပြည် တွင်း၊ပြည်ပအဖွဲ့ အစည်းများ၊ ချင်းပြည်နယ်အစိုးရ အဖွဲ့၊ ပြည်ထောင်စုအစိုးရတို့နှင့်အ တူအပစ်အခတ်ရပ်စဲရေး ဆိုင်ရာ သဘောတူညီချက်များကို စတင်အကောင်အထည်ဖော်ဆောင် သွားမည်ဖြစ်ကြောင်း ပြည်တွင်းပြည်ပ ရှိချင်းအမျိုးသားများနှင့် ချင်းပြည်သူများ အနေဖြင့်မိမိတို့ကျွှမ်းကျင်ရာ ကဏ္ဍ အလိုက် တက်တက် ကြွကြွ ပါဝင်ရန်လို အပ်ကြောင်း ဖော်ပြထားသည်။

ချင်းအမျိုးသားတပ်ဦးသည် ယခုနှစ် နွေဦးတွင် အပစ်အခပ်ရပ်စဲရေးဆိုင်ရာနှင့် ရှေ့လုပ်ငန်း စဉ်များ အတွက် ချင်းပြည်သူများထံ တွေ့ဆုံဆွေးနွေးပြီး အကြံအဥာဏ် ရယူမှုများ ပြုလုပ်သွားကြမည်ဟု ထပ်မံသိရသည်။

 

Share.

About Author

Comments are closed.