ချင်းပြည်နယ်တွင် နယ်စပ်ဒေသ စီးပွားကုန်သွယ်ရေး သမဂ္ဂ ဖွဲ့စည်း

0

ချင်းပြည်နယ် စီးပွားရေး နှင့် စီမံကိန်းဝန်ကြီး Pu RamMang ဦးဆောင်မှုဖြင့် ပြီးခဲ့တဲ့ မေလ ၂၇ ရက်နေ့က ဟားခါး ခရိုင်ရုံးတွင် နယ်စပ်ဒေသ စီးပွားကုန်သွယ်ရေး သမဂ္ဂ ( Federation Chambers of Commerce ) ကို ဖွဲ့စည်း လိုက်ကြ ကြောင်း သတင်းရရှိသည်။

 

နေပြည်တော်မှ နယ်စပ်ဒေသကုန်သွယ်ရေးဦးစီးဌာန လက်ထောက်ညွန်ကြားရေးမှူး Major Aung Win ဦးဆောင်မှုဖြင့် ချင်း ပြည်နယ် ထန်တလန်မြို့တွင် ပြီးခဲ့တဲ့  ဧပြီလ (၁) ရက်နေ့က နယ်စပ်ကုန်သွယ်ရေးစခန်းသစ်ဖွင့်လှစ်ခြင်း၏ အကျိုး ဆက်ဖြစ်သည်။

 

FCC ကို  ဟာခါး၊ ဖလမ်း၊ ထန်တလန်မြို့နယ်များမှ ၅ ဦးစီဖြင့် ပါဝင်စေပြီး ၁၅ ဦးဖြင့် အောက်ပါအတိုင်း ရွေးချယ် ဖွဲ့စည်း ကြသည်ဟု ဒေသထုတ် သတင်းတွင်ဖော်ပြထားသည်။

 

(1) Pu Van Hu, Chairman (Hakha)

(2) Pu Hrang Lawm Thang, Vice Chairman (Falam)

(3) Pu Van Nawl, Vice Chairman (Thantlang)

(4) Pu Ci Han, General Secretary (Hakha)

(5) Pu Ngun Peng, AGS (Thantlang)

(6) Pu Za He, AGS (Falam)

(7) Pu Thawng Vung, Ngunkeng (Hakha)

(8) Pu Ba Su Det, Ngunkeng bawmtu (Falam)

(9) Pi Biak Chin Sung, a bawmtu (Thantlang)

(10) Pu Khual Qhum, Auditor (Falam)

(11) Pu Hmun Thang, A bawmtu (Thantlang)

(12) Pu Chum Ling, A bawmtu (Hakha)

(13) Pu Ram Cung, Chungtel (Hakha)

14) Pu Hlawng Hre Lian Chungtel (Falam)

(15) Pu Ram To, Chungtel (Thantlang)

 

“ လုပ်ငန်းအသေးစိပ်ကိုဘယ်တော့ အကောင်အထည်ဖော်မည်ဆိုတာ မရေးဆွဲရသေးဘူး၊ မြန်မာ့စီးပွားရေးနှင့် ကုန်သွယ် ရေး( Union of Myanmar Federation Chambers of Commerce and Industry ) အဖွဲ့ဝင်အဖြစ် ပါဝင်ဖို့ တင်ပြ သွားမှာဖြစ်တယ် ” ဟု အဖွဲ့ဝင်တဦးက ပြောသည်။

အဆိုပါ ၁၅ ဦး အဖွဲ့သည် နယ်စပ် ဒေသ ကုန်သွယ်ရေးစခန်းကို ထန်တလန်မြို့အ၀င်တွင် တည်ဆောက်ရန် ပြင် ဆင်ကြ ကြောင်း သိရသည်။

ချင်းပြည်နယ်အပါအ၀င် အိန္ဒိယ – မြန်မာနယ်စပ်ကုန်သွယ်ရေးကို စစ်ကိုင်းတိုင်းအတွင်း တမူး – မိုရေး နှင့် ချင်းပြည်နယ် အတွင်း ကျန်ဖိုင်- ရိဒ်ခေါ်ဒါရ်တွင် ဖွင့်လှစ်ခဲ့ပြီဖြစ်ပြီး ယခု တတိယမြောက် ဖွင့်လှစ်ခဲ့ခြင်းဖြစ်သည်ဟု ပြောကြသည်။

ယခုလမ်းကြောင်းသည် ချင်းပြည်နယ် ဖလမ်း – ဟားခါး – ထန်တလန်မှ တီအိုချောင်းကို ဖြတ်ပြီး တဖက် မီဇိုရမ်ပြည် နယ်မြို့တော် အိုင်ဇော်လ် သို့ ၀င်သွားမည်ဖြစ်သည်။

Share.

About Author

Comments are closed.