ငွေကြေး သုံးစွဲမှု ပွင့်လင်းမြင်သာမှုမရှိ၊ မြို့နယ်ပညာရေးမှူးအစားထိုး

0

သက်ဆိုင်ရာမှ ချပေးသည့် ကျောင်းဆောက်လုပ်ရေး ထောက်ပံ့ငွေစီးဆင်းမှု ပွင့်လင်းမြင်သာမှု မရှိသောကြောင့် မတူ ပီမြို့နယ် ပညာရေးမှူးနှင့် BC
အဆင့်တဦးအား ပြည်နယ်ပညာရေးမှူးရုံးမှ ယခုလ အောက်တိုဘာ ပထမ ပတ်က အစားထိုးလိုက်သည်ဟု သိရသည်။

မြို့နယ်ပညာရေးမှူး Pi Ci lih အစားပြည်နယ်ပညာရေးမှူးရုံးမှ Pu Cung အား၎င်း၊ ရုံးအုပ် Pu Lungtoeng အစား မင်း တပ် ခရိုင် ပညာရေးရုံးမှ Pu
Sakoek တို့အား၎င်း အစားထိုးလိုက်ခြင်းဖြစ်သည်။

ချင်းပြည်နယ်ပညာရေးဖွံ့ဖြိုးတိုးတက်ရေးအတွက် မတူပီမြို့နယ်အတွင်း မတူပီမြို့၊ ငလားရပ်ကွက်၊ ရမ်ကြီး၊ ဆော်တီ နှင့်
တင်လောင်ကျေးရွာအစိုးရမူလတန်းကျောင်းအတွက်သိန်း ၁၄၄ စီ၊ လေရိန်း(အေ) အစိုးရ မူလတန်းကျောင်းအတွက် ကျပ် သိန်း၁၈၀ နှင့်
တိန်ဆီးအစိုးရအလယ်တန်းကျောင်း အတွက် ကျပ် သိန်း ၂၈၈ ချပေးသည်ကို GAD , စည်ပင်ကို အသိ မ ပေးပဲ မိမိတို့သဘောဖြင့် ထုတ်ပေးခဲ့သည်။

“အဲဒီအတွက် မြို့နယ်ပညာရေးမှူးနဲ့ ရုံးအုပ်ကို စည်ပင်၊ မြို့မိမြို့ဖတွေက လုပ်ထုံးလုပ်နည်း ပွင့်လင်းမှုမရှိဘူး ဆိုပြီး ငွေပြန်သွင်းဖို့
ပြန်တောင်းတာ တ၀က်စီပဲ ပြန်အပ်နိုင်ကြတယ် ” ဟု မတူပီမြို့မိမြို့ဖ တဦးကပြောသည်။

ယင်းကိစ္စအတွက် ပြည်နယ်ပညာရေးရုံးမှ ၄င်းတို့နှစ်ဦးအား စက်တင်ဘာလ နောက်ဆုံးပတ်က ခေါ်ယူစစ်ဆေးခဲ့ပြီး ယခု ကဲ့သို့ လူစား ထိုးလိုက်ခြင်းသည်။

မတူပီမြို့နယ်ပညာရေးဌာနသည် ချင်းပြည်နယ်အတွင်း လုပ်ငန်းဆိုင်ရာ ပွင့်လင်းမြင်သာမှုအကင်းမဲ့ဆုံးဖြစ်လိမ့်မည်ဟု ဒေသခံ
အလယ်တန်းကျောင်းဆရာတဦးက လည်း ပြောဆိုသည်။

Share.

About Author

Comments are closed.