ချင်းပြည်နယ်တွင် နယ်စပ်ကုန်သွယ်ရေး စခန်း အသစ်တည်ဆောက်မည်

0

images

မြန်မာနိုင်ငံအနောက်ဘက် ချင်းပြည်နယ်တွင် နယ်စပ်ကုန်သွယ်ရေးစခန်း အသစ် တခု ပြန်လည် တည်ဆောက် မည်ဖြစ်ကြောင်း ချင်းပြည်နယ်သို့ ရောက်ရှိ လာသည့် စီးပွားရေးနှင့် ကူးသန်းရောင်း ၀ယ်ရေး ၀န်ကြီး ဌာနနှင့် ပြည်ထောင်စု ၀န်ကြီး ဦးဝင်းမြင့်က ပြောကြားခဲ့သည်။

ထန်တလန်မြို့ နယ် မှောင်တလန်ကျေးရွာ အနီးတွင် ကုန်သွယ်ရေး စခန်း ဆောက်လုပ်ရန်စီစဉ် ထားကြောင်း၊ ယင်းကိစ္စဆောင်ရွက်နိုင်ရန် ၀န်ကြီးနှင့် ချင်းပြည်နယ် ဘဏ္ဍာရေးဝန်ကြီး ဦးနန်ဇမုန် အပါအ၀င် တာဝန်ရှိသူ များက ဇန်န၀ါရီလ (၂၆) ရက်နေ့ တွင် သွားရောက်လေ့ခဲ့ကြောင်း ယနေ့ ထုတ် နိုင်ငံ ပိုင် မြန်မာ့အလင်း သတင်းစာ ကဖေါ်ပြထားသည်။

ထို့ နောက် ၀န်ကြီးနှင့်အဖွဲ့ သည် ထန်တလန်မြို့  ဆောက်လုပ်ရေးရိပ်သာ၌ ဒေသခံပြည်သူများ၊ သက်ဆိုင်ရာ တာဝန်ရှိသူများနှင့်တွေ့ ဆုံကာ ကုန်သွယ်ရေးလုပ်ငန်းများ ပြီပင်စွာ လည် ပတ်နိုင်ရေးအတွက် မိမိတို့ ရောက်ရှိ ခြင်းဖြစ်ကြောင်း၊ ထန်တလန်မြို့ နယ် ဖွံ့ ဖြိုးတိုးတက်ရေး အတွက် စက်ယန္တရားများ တင်သွင်းခွင့်ပြုပေးမည်ဖြစ် ကြောင်း ပြောကြားသည်ဟု သိရသည်။

ဆက်လက်ပြီး ၀န်ကြီးက ကုန်သွယ်မှု သင်တန်းများကိုလည်း ဟားခါးမြို့ ၌ ဖွင့်လှစ်ပေး မည်ဖြစ်ကြောင်း၊ ထိုအပြင် ဒေသအတွင်း ပို့ ကုန်အရည်အသွေးရှိသော သီးနှံများ တိုးချဲ့  စိုက်ပျိုး ရန်လိုအပ်ပြီး ထွက်ရှိသော သီးနှံများအား တန်ဖိုးမြင့်ထုတ်ကုန်အဖြစ် တင်ပို့ ရောင်းချရန် လိုကြောင်း၊ ယင်းအတွက် အစိုးရမှ စိုက်ပျိုးရေးဆိုင်ရာ ဆွေးနွေး ပွဲများ ပြုလုပ်ရန် စီစဉ်နေကြောင်း ပြောကြားသည်ဟု သိရသည်။

ဝန်ကြီးနှင့်အဖွဲ့ သည် နယ်စပ်ကုန်သွယ်ရေး လမ်းဖောက်လုပ်မည့် လမ်းကြောင်းကိုလည်း သွားရောက် လေ့လာ ကြည့်ရှုကြောင်း သိရသည်။

တရုတ်နှင့် ထိုင်းနိုင်ငံမှအပ မြန်မာနိုင်ငံနှင့် နယ်စပ်ကုန်သွယ်ရေး တတိယအမြင့်ဆုံးဖြစ်သော အိန္ဒိယ- မြန်မာ နိုင်ငံ ကုန်သွယ်ရေးဂိတ်အဖြစ် ချင်းပြည်နယ်ကို ဖြတ်၍ ကုန်သွယ်ရေးဂိတ်များကို ကလေး- တီးတိန်- ရိဒ်၊ ဟားခါး- ဖလမ်း- ရိဒ်နှင့် ဟားခါး- ထန်တလန်- ဆိုင်ဆိခြောက် ဂိတ်များဖွင့်လှစ်ပြီး ဖြစ်သည်။

ထို့ အပြင်ချင်းပြည်နယ်အတွင်း တီးတိန်- တွန်းဇံ- ကျီခါး၊ ထန်တလန်- ဗန်ဇန်- တလန်လို၊ ဂန့် ဂေါ- ရေဇွာ- လိုင်လင်းသဲနှင့် ထန်တလန်- လုံလဲရ်- ဘုန်ခွာ နယ်စပ်ဂိတ်များလည်း ဆက်လက် ဖွင့်လှစ်ရန်ရှိကြောင်း သိရသည်။ ယခုဖွင့်လှစ်မည့် နယ်စပ်ကုန်သွယ်ရေးဂိတ်သည် ထန်တလန်- လုံလဲရ်- ဘုန်ခွါ ဂိတ်ကို ဆက်သွယ်မည့် ဂိတ်ဖြစ်ကြောင်း သိရသည်။

ထိုအပြင် ၀န်ကြီးနှင့်အဖွဲ့ သည် (၂၇) ရက်နေ့ ၌ ဖလမ်းမြို့ နယ် ရိဒ်ခွာဒါရ်မြို့ နယ်ခွဲသို့ သွားရောက် ကာ သက်ဆိုင်ရာ တာဝန်ရှိ သူများ၊ ဒေသခံပြည်သူများနှင့်တွေ့ ဆုံပြီး ကုန်သွယ်မှု မူဝါဒနှင့်အညီ နယ်စပ်ကုန်သွယ် ရေးလုပ်ငန်းများ ပိုမိုတိုးတက်လာစေရေးနှင့် ကုန်သွယ်မှုသာမက ကုန်သွယ်မှု အခွင့်အလမ်းပါ ကုန်သွယ်ရေး တိုးတက်စေရေးအတွက် ဆွေးနွေးပြောကြားခဲ့ကြောင်း သိရသည်။

ဝန်ကြီးက ၀ဥ စိုက်ပျိုးရန်အတွက် နည်းပညာများ ရရှိအောင် ပညာရှင်များအား ခေါ်ယူတွေ့ ဆုံပေး မည်ဖြစ် ကြောင်း ထည့်သွင်းပြောကြားသည်ဟု ယနေ့ ထုတ် ကြေးမုံသတင်းစာတွင် ဖေါ်ပြထား သည်။

Share.

About Author

Leave A Reply

*

code