တင်ဒါအသစ်ပြန်လည်ခေါ်ယူပေးပါရန်တောင်း ဆိုထားသည့်အပေါ် မလိုက်လျောပေးပါက ဆက်လက် ဆန္ဒဖေါ်ထုတ်မည်

0

IMG copy

၂၀၁၃ခုနှစ် နိုဝင်ဘာလ မှ၍ ချင်းပြည်နယ်အစိုးရက ထန်တလန်မြို့ ရှိ တာဝန်ရှိသူများကို အသိပေးခြင်း မရှိဘဲ ဟားခါးမြို့ ရှိ ကုမ္ပဏီများကိုသာ တင်ဒါခေါ်ယူခြင်းအပေါ် မကျေမနပ်ဖြစ် ကြသောကြောင့် တင်ဒါ အသစ်ပြန် လည်ခေါ်ယူပေး ရန် တောင်းဆိုထားခြင်းကို မလိုက်လျောပေး ပါက ဆက်လက် ဆန္ဒဖေါ်ထုတ်မည်ဖြစ်ကြောင်း သိရသည်။

၂၀၁၃- ၂၀၁၄ ခုနှစ် လမ်းဖောက်လုပ်ရေးအတွက် ကျေးလက်ဒေသဖွံ့ ဖြိုးရေးက တာဝန်ယူသည့် လုပ်ငန်းများ အနက် ထန်တလန်မြို့ နယ်များတွင် ဖောက်လုပ်မည့် ကားလမ်းများ ကို ဒေသခံပြည် သူ၊ ကုမ္ပဏီများနှင့် တာဝန်ရှိသူများကို အသိပေးခြင်းမရှိဘဲ ဟားခါးမြို့ ကုမ္ပဏီများအား တင်ဒါခေါ် ယူခြင်းအပေါ် မကျေမနပ်ဖြစ် နေကြကြောင်း ထန်တလန်မြို့ ရှိ ချင်းအမျိုးသားပါတီ ဥက္ကဌ Pu Siang Cung Bik က ဆိုသည်။

တင်ဒါအသစ်ခေါ်ယူပေးရန် ထန်တလန်မြို့ နယ်ရှိ မြို့ နယ် အထောက်အကူပြုကော်မီတီ၊ မြို့ နယ် စည်ပင်သာ ယာရေးကော်မီတီ၊ ကုမ္ပဏီများနှင့် လွှတ်တော်ကိုယ်စားလှယ်များက ၂၀၁၃ခုနှစ် ဒီဇင်ဘာလ (၂၃)ရက်နေ့ စွဲ ဖြင့် ပြည်နယ်ဝန်ကြီးချုပ် ပူးဟုန်းငိုင်းထံ တင်ပြခဲ့သည်။

ယင်းသို့ တင်ပြခြင်းအပေါ် ပြည်နယ်အစိုးရဘက်မှ ယနေ့ အထိ မည်သည့် တွန့် ပြန်ချက်မှ မပြုလုပ်ပေး သည့် အတွက် ယခုကဲ့သို့  စီစဉ်ခြင်းဖြစ်ကြောင်း သိရသည်။

“ကျတော်တို့  အတိုင်းအတာ တခုအထိတော့ စောင့်အုံးမယ်၊ တကယ်လို့  ဘာတွန့် ပြန်ချက်မှ မရဘူးဆိုရင်၊ သမ္မတရုံး (သို့ မဟုတ်) လွှတ်တော်အထိသွားမည်၊ လိုအပ်လို့ ရှိရင် ဆန္ဒဖေါ်ထုတ်ပွဲ အထိ သွားမှာဘဲ” ဟု Pu Siang ကဆိုသည်။

ထန်တလန်မြို့ နယ်အတွင်း လမ်းဖောက်လုပ်ရေးနှင့် ရေသန့် သွယ်ယူရေးလုပ်ငန်းတွင် ဟားခါးမြို့  အခြေစိုက် Pu Thawng Kian, Pu Thla Bik, Pu Chum Ling နှင့် Pu Maung Maung တို့ ပိုင် သည့် ကုမ္ပဏီများကိုသာ အစိုးရက တင်ဒါခေါ်ယူခြင်းဖြစ်ကြောင်း သိရသည်။

ထန်တလန်မြို့ နယ် ကျေးရွာချင်းဆက် လမ်းများဖြစ်ကြသည့် ထလန်(က)- ဟရီဖီကျေးရွာလမ်း၊ ဆလင်း- သီကီရ်- ၀မ်ကွာကျေးရွာလမ်းနှင့် ဆိုင်က- ရွာဘုတ်ကျေးရွာလမ်းများ လုပ်ဆောင်ရန်ဖြစ် သည်။

ယင်းကဲ့သို့  ဒေသခံ တာဝန်ရှိသူများ အကြောင်းကြားခြင်းမရှိဘဲ တခြားမြို့ နယ် ကုမ္ပဏီများ တင်ဒါခေါ်ခြင်းမှာ တရားမျှတမှု၊ ပွင့်လင်းမြင်သာမှု မရှိသည့်အပြင် ဒေသခံမြို့ နယ် ပြည်သူလူထု၊ လွှတ်တော်ကိုယ်စားလှယ်နှင့် ကုမ္ပဏီများကို ခရုမစိုက်ရာရောက်သောကြောင့် အပြင်းအထန် ကန့် ကွတ်ကြောင်း ပြည်နယ်အစိုးရသို့  ပေးပို့  သည့်စာတွင် ဖေါ်ပြထားသည်။

ထို့ အပြင် နိုင်ငံတော် သမ္မတကြီး ဦးသိန်းစိန်၏ လမ်းညွှန်ချက်ဖြစ်သည့် “ပြည်သူဗဟိုပြု အုပ်ချုပ်ရေး”  ဆိုသည့် အတိုင်း ဒေသခံ ပြည်သူများ၏ ဆန္ဒကို အလေးထားသောအားဖြင့် ပြသနာ မဖြစ်ပွါးမီ ၀န်ကြီးချုပ်နှင့် ပြည်နယ် အစိုးရအဖွဲ့ မှ ပြန်လည်သုံးသပ်ပြီး တင်ဒါများ အသစ်ပြန် လည်ခေါ်ယူပေးပါရန် တောင်းဆိုထားသည်။

အဆိုပါစာတွင် မြို့ နယ် စည်ပင်သာယာရေးကော်မီတီ၊ မြို့ နယ် အထောက်အကူပြုကော်မီတီ၏ တာဝန်ရှိသူများ အပြင် ဒေါ်ဇာတလဲမ်း၊ ပြည်သူ့  လွှတ်တော်ကိုယ်စားလှယ်၊ ပူး လာလ်မောင်ကျူံး၊ ပြည်နယ် လွှတ်တော် ကိုယ်စားလှယ်၊ထန်တလန်မြို့ ရှိ I Love Chinland Company, ချင်းလဲန်ညီညွတ်ရေးကုမ္ပဏီ၊ Chin Green Hill Company နှင့် တောင်ပေါ်ပန်း ကုမ္ပဏီ၏ တာဝန်ရှိသူ စုစုပေါင်း (၁၅) ဦးက လက်မှတ်ရေးထိုးခဲ့ကြသည်။

မိတ္တူကို နေပြည်တော်ရှိ နိုင်ငံတော် သမ္မတနှင့် ပြည်ထောင်စုအစိုးရအဖွဲ့ ကို၎င်း၊ ပြည်ထောင်စု လွှတ်တော် နာယကကို၎င်း၊ ထန်တလန်မြို့ နယ် လွှတ်တော် ကိုယ်စားလှယ်များကို၎င်း အသီးသီးပေး ပို့ ခဲ့ကြသည်။

Share.

About Author

Leave A Reply

*

code