ချင်းတိုးတက်ရေးပါတီညီလာခံ ကလေးမြို့တွင် ကျင်းပမည်

0

ချင်းတိုးတက်ရေးပါတီ၏ ဒုတိယအကြိမ် ပါတီညီလာခံကို စစ်ကိုင်းတိုင်း ဒေသ ကြီး ကလေးမြို့တွင် ဇန်န၀ါရီလ ၈ ရက်မှ ၁၀ ရက်နေ့အထိ ၃ ရက်ကြာ ကျင်းပမည်ဟုသိရသည်။

ညီလာခံကို ကလေးမြို့ တောင်ဖီလာ ခန်းမ၌ ကျင်းပပြုလုပ်မည်ဖြစ်ပြီး ချင်းပြည်နယ်မှ ပါတီဝင်များ အပင် ကလေးမြို့နှင့် အခြားဒေသများမှ ချင်းတိုးတက်ရေးပါတီကိုယ်စားလှယ်တွေ တက်ရောက်ကြ မည်ဟုသိရသည်။

ယင်းညီလာခံတွင် ပါတီဥက္ကဌ၊ ဗဟိုအလုပ်အမှုဆောင်ကော်မတီဝင်များကို ရွေးချယ်ခြင်း၊ ပါတီဖွဲ့စည်း ပုံပြန်လည်လေ့လာဆန်းစစ်ခြင်း၊ ၂၀၁၅ ခုနှစ်အထွေထွေရွေးကောက်ပွဲတွင် ၀င်ရောက်ယှဉ်ပြိုင်မည့် အနေအထား၊ မြို့နယ်အသီးသီးရှိ ပါတီကော်မတီများ အားကောင်းလာစေရေးအတွက် ဆွေးနွေးခြင်း များကို ပြုလုပ်သွားမည်ဟုသိရသည်။

ပူးနိုးထန်ကပ်ဦးဆောင်သော ချင်းတိုးတက်ရေးပါတီသည် ပြီးခဲ့သည့် ၂၀၁၀ ရွေးကောက်ပွဲတွင် မဲဆန္ဒ မြေ ၁၂ နေရာတွင် အနိုင်ရရှိခဲ့သည်။ သို့သော်လည်း ယခုအခါ ယင်းပါတီမှ ရွေးကောက်ခံ လွှတ်တော် ကိုယ်စားလှယ် ၄ ဦးမှာ ချင်းအမျိူးသားဒီမိုကရက်တစ်ပါတီသို့ ကူးပြောင်းသွားခဲ့ကြသည်။

Share.

About Author

Leave A Reply

*

code