ရိဒ်ခေါ်ဒါရ်မြို့အထက ကျောင်းဆရာများ နေအိမ် ပြု ပြင်ပေးစေလို (ပြည်သူ့ထံမှ ပေးစာ)

0

ရိဒ်ခေါ်ဒါရ် မြို့နယ်ခွဲ အတွင်း တခုတည်းသော အမှတ် (၁) ရပ်ကွက် ရိဒ်ခေါ်ဒါရ်မြို့ အစိုးရအထက် တန်းကျောင်းတွင် တာဝန်ကျသော ကျောင်းဆရာ၊ ဆရာမများ၊ ရုံးဝန်ထမ်းများ နေထိုင်သည့် သွပ်မိုး၊ ပျဉ်ကာ အိမ်ယာများကို  ၁၉၉၄ – ၁၉၉၆ ခုနှစ်တွင် ကိုယ်ထူ ကိုယ်ထ ဖြင့် ဒေသခံလူထု က ဆောက်လုပ်ခဲ့ကြသည်။ အိမ်ယာ အရေအတွက်မှာ 30x12x9 ရှိ နှစ်ခန်းတွဲ လေးလုံး၊ 24x12x9 ရှိ ကိုး လုံး၊ 30x18x9 ရှိ တလုံး၊ 36x16x9 ရှိ ဘော်ဒါဆောင် နှစ်လုံး စုစုပေါင်း ၁၆ လုံးဖြစ်ပါသည်။

 

ယနေ့တွင်မူ အဆိုပါ ကျောင်းဆရာနေအိမ်များသည် ယိုယွင်း ပျက်စီးနေပြီဖြစ်ပြီး မိုးဒါဏ်လေဒါဏ်ပြင်းထန်လာပါက ပြိုလဲတော့မည် အနေအထားဖြစ်နေပါတော့သည်။

 

အမှတ် (၁) ရိဒ်ခေါ်ဒါရ် အထက ကျောင်းသည် နာမည်ကျော် သဘာဝ ရိဒ်ရေကန် သွားလမ်းကြောင်းပေါ်တွင် တည်ရှိနေသည့်အခါ ပြည်တွင်း ပြည်ပ ခရီးသွားဧည့်သည်များ မကြာခဏဖြတ်သန်းသွားလာနေသည့် မြင်ကွင်းတွင် ရှိနေသည့်အခါ ရိဒ်ရေကန်ကို ကျက်သရေ ကင်းမဲ့စေခဲ့သည်ဟု ဆိုရမှာဖြစ်သည်။

 

နိုင်ငံတော်အစိုးရ အနေဖြင့် ကျောင်းဆရာများ နေအိမ်အား မနှေးအမြန်  ပြု ပြင်ပေးစေလိုကြောင်း ရေးသား ဖော်ပြလို ပါသည်။

 

 

ကိုထွန်းအောင်

ရိဒ်ခေါ်ဒါရ်မြို့

Share.

About Author

Leave A Reply

*

code