Salai Isaac Khan (Director, GDI, Myanmar) နဲ့ တွေ့ဆုံဆွေးနွေးခြင်း ( အပိုင်း ၁)

0

pic1

Salai Isaac Khan သည် ချင်းပြည်နယ်၊ ပလက်ဝ ဇာတိဖြစ်ပြီး ကချင်ပြည်နယ်၊ ရခိုင်ပြည်နယ်တွေမှာ ကြီးပြင်း ခဲ့သည်။ မိဘ နှစ်ပါးမှာ အင်္ဂလိ ကန် ဘုန်းတော်ကြီး ဦး နန်းချင်း နဲ့ ဒေါ်မော်လီဖြစ်ပါသည်။ ၁၉၉၆ ခုနှစ်မှာ သင်္ချာ အထူးပြုဘာသာနဲ့ မြစ်ကြီးနား တက္ကသိုလ်ကနေ BSc ဘွဲ့ကို ရရှိခဲ့သည်။

၂၀၀၂ – ၂၀၀၃ ခုနှစ်တွင် သန့် ရှင်းသော ကားတိုင်တော် အင်္ဂလိကန် ဓမ္မတက္ကသိုလ်ကနေ ဓမ္မ၀ိဇ္ဖာဘွဲ့ကို ပြီးစီးခဲ့ပြီး ၂၀၀၄ – ၂၀၀၆ ခုနှစ်မှာ MIT, မြန်မာနိုင်ငံ ဓမ္မတက္ကသိုလ်မှ မဟာဓမ္မ၀ိဇ္ဖာပညာကို ဆည်းပူး ပြီး Social Science ဆိုင်ရာ မဟာဓမ္မ၀ိဇ္ဖာဘွဲ့ကို ၂၀၀၆ ခုနှစ်မှာ ရရှိခဲ့ပါသည်။ ကမ္ဘောဒီယား နိုင်ငံမှာ ငြိမ်းချမ်းရေးတည်ဆောက်ခြင်းနှင့် ပဋိပက္ခ ကိုင်တွယ် ဖြေရှင်းခြင်း ဆိုင်ရာ မဟာဝိဇ္ဖာဘွဲ့ကို ထပ်မံ ဆည်းပူး ဆွတ်ခူးရရှိခဲ့သည့်အပြင် အစ္စရေးနိုင်ငံမှာ Gender နဲ့ ငြိမ်းချမ်းရေး၊ Gender နဲ့ လုံခြုံရေး ဆိုင်ရာ Course ကို သင်ယူလေ့လာခဲ့ပြီးမှ ၂၀၁၀ ခုနှစ်မှာ Gender and Development Initiative Myanmar ဆိုတဲ့ Local NGO ကို ရန်ကုန်တွင် အခြေစိုက် တည်ထောင်ပြီး ဦးဆောင်ဒါရိုက်တာအဖြစ် ဆောင်ရွက် နေသည်။ Gender and Development Initiative Myanmar သည် အစိုးရမှာ မှတ်ပုံတင် ထားတဲ့ အစိုးရမဟုတ်တဲ့ အဖွဲ့အစည်းဖြစ်သလို လက်ရှိ အနေအထား မှာ ကျားမ တန်းတူညီမျှရေး ကိစ္စ၊ ပြည်တွင်းငြိမ်း ချမ်းရေး ဖော်ဆောင် မှုကိစ္စနဲ့ မတူကွဲပြားတဲ့ မျိုးနွယ်စုတွေ ကြားထဲမှာ အပြန်အလှန် စကားပြောဆိုနိုင်တဲ့ အခွင့်အလမ်း ပေါ်ထွက်လာ အောင် ဆောင်ရွက်တဲ့ Dialogue အစီအစဉ် အ စရှိ တာတွေကို ဆောင်ရွက် နေသည်။ G D I ( Myanmar) အနေ နဲ့ ရန်ကုန်မြို့မှာ ရုံးချုပ်ထားပြီးတော့မှ ကချင်ပြည် နယ်၊ ချင်းပြည် နယ် ၊ ရခိုင်ပြည်နယ်၊ ရှမ်းပြည် နယ်၊ ကရင်ပြည် နယ်၊ ဧရာဝတီတိုင်းနဲ့ နေပြည်တော်တွေမှာ အလုပ်လုပ်နေသူဖြစ်သည်။

KNT: အစိုးရနဲ့ တိုင်းရင်းသားလက်နက်ကိုင် အဖွဲ့တွေအကြား လက်ရှိ ဖော်ဆောင်နေတဲ့ ငြိမ်းချမ်းရေးဖြစ်စဉ်အပေါ် သုံးသပ်ချက်နဲ့ အမြင်ကို ပြောပြပေးစေချင်တယ်။

ASK: တနိုင်ငံလုံးပစ်ခတ်တိုက်ခိုက်မှု ရပ်စဲရေး သဘောတူညီချက် လက်မှတ်ရေးထိုးရေးကိစ္စဟာ ကျတော်တို့ တိုင်းပြည်အတွက် အင်မတန်မှ အရေးကြီးတဲ့ အကြောင်းအရာ တခုဖြစ်ပါတယ်၊ နိုင်ငံတော်အစိုးရ အတွက်ပဲ ဖြစ်ဖြစ် တိုင်းရင်းသားတော်လှန်ရေးအဖွဲ့အစည်းများအတွက်ပဲဖြစ်ဖြစ် တနိုင်ငံလုံးပစ်ခတ်တိုက် ခိုက်မှု ရပ်စဲရေး သဘောတူ ညီ ချက်စာချုပ်လက်မှတ် ရေးထိုးနိုင်ခြင်းမရှိပါက ကျတော်တို့ လိုလားတောင့် တနေတဲ့ နိုင်ငံရေးတွေ့ဆုံ ဆွေးနွေးမှု Political Dialogue လုပ်ငန်းစဉ်ကြီးကို ရှေ့ဆက်သွားဖို့ရန် အင်မတန်မှ အခက်အခဲရှိပါလိမ့်မယ်၊ ဘာဖြစ်လို့ လဲ ဆိုတော့ NCA မထိုးပဲနဲ့ လက်ရှိ တိုင်းရင်းသားတော်လှန်ရေး လက်နက်ကိုင် အဖွဲ့အစည်းများဟာ မြေပေါ်မှာ တရားဝင်နိုင်ငံရေးဆောင်ရွက်ခွင့်ရမှာမဟုတ်သလို တပ်မတော်၊ လွှတ်တော်နဲ့ သမ္မတ ဦး ဆောင်တဲ့ အစိုးရအဖွဲ့ အစရှိသည့် အစိုးရဖက်က သုံးပွင့်ဆိုင် ယန္တယား မှာလည်းပဲ နိုင်ငံရေး တွေ့ဆုံဆွေးနွေးရေးလမ်းကြောင်းကို ဆောင် ရွက်နိုင်မှာ မဟုတ်ပါဘူး၊ နိုင်ငံရေးတွေ့ဆုံဆွေးနွေးမှုရှိမှသာလျှင်ပဲ နှစ်ပေါင်း ၆၀ ကျော် တိုင်းရင်းသားများ တောင်းဆို တိုက်ပွဲဝင်လာခဲ့တဲ့ တန်းတူညီမျှရေး၊ တရားမျှတရေး၊ ဖက်ဒရေ အရေး ကိစ္စတွေကို နိုင်ငံရေး စားပွဲဝိုင်းပေါ်မှာ ဆွေးနွေးနိုင်မှာဖြစ်ပါတယ်၊ ပြည်တွင်းပဍိပက္ခဟာ တကယ်တော့ ဗမာနဲ့ ဗမာမဟုတ်တဲ့ တိုင်းရင်း သားတွေအကြား ဖြစ်တာမဟုတ်ပါဘူး၊ အဲဒါသည် ပင်လုံစာချုပ်မှာ သဘောတူ လက်မှတ်ရေးထိုးထားခဲ့တဲ့ ဂတိက၀တ် ဖြစ်တဲ့ လွတ် လပ်သည့် ဗမာနိုင်ငံ ၊ လွတ်လပ်တဲ့ ရှမ်း၊ Federation Shan State ၊ လွတ်လပ်တဲ့ ကချင်တောင်တန်းဒေသ၊ လွတ်လပ်တဲ့ ချင်း တောင်တန်းဒေသ ၊ ဒီနိုင်ငံ လေးခု ပေါင်းစည်းမှုပြုခဲ့တဲ့ ဂတိက၀တ်ကို ဒီနေ့ ခေတ်အဆက်ဆက် ပြည်ထောင်စုအစိုးရ အဆက်ဆက်က အပြည့်အ၀ အကောင်အထည်ဖော်နိုင်ဖို့ ငြင်းဆန်ခဲ့တာကနေ စလာတာ ဖြစ်ပါတယ်၊ အဲဒီအတွက်ကြောင့်မို့လို့ ဒီနေ့ ကျတော်တို့ ပြောပြောနေတဲ့ ဖက်ဒရေစနစ်ဆိုတဲ့ ကိစ္စသည် ပင်လုံကို အခြေခံတဲ့ ပင်လုံ အနှစ်သာရကို အခြေခံတဲ့ ပင်လုံဂတိက၀တ်ကို အခြေခံတဲ့ ဆွေးနွေးမှု ဖြစ်နိုင်ဖို့ ဆိုယင် နိုင်ငံရေးတွေ့ဆုံ ဆွေးနွေးမှုပင်ဖြစ်ပါတယ်၊ လက်နက်ကိုင် တော်လှန်ခြင်းသည် အဖြေမဟုတ်ပါဘူး၊ အဲဒါသည် နည်းလမ်းတခုသာဖြစ်ပါတယ်၊ အဲတော့ လက်နက်ကိုင်တော်လှန်ရေးနည်းလမ်းရဲ့ အထွဋ် အထိပ်သည် နိုင်ငံရေး စကားဝိုင်းဖြစ်ပါတယ်၊ NCA လက်မှတ်ရေးထိုးပြီးမှသာ နိုင်ငံရေး တွေ့ဆုံဆွေးနွေးမှုကို တက်လှမ်းနိုင်မှာဖြစ်တဲ့ အတွက်ကြောင့် NCA ကို အမြန်ဆုံး လက်မှတ် ရေုးထိုးနိုင်ဖို့ လိုပါတယ်၊ NCA ကို လက်မှတ်ရေးထိုးနိုင်ဖို့ ကြိုးစားကြ တဲ့အခါမှာ တချို့ကတော့ NCA ကို လက်မှတ်ရေးထိုးပြီးယင် တပ်မတော် ဖက်က ထိုးစစ်ဆင်တာတွေ ရပ်ဆိုင်းမလား ၊ တပ်မတော်ဖက် က ထိုးစစ်ဆင်နေမယ်ဆိုလို့ရှိယင် NCA ကို ထိုးပြီးယင်လည်း အဓိပါယ်မရှိဘူးလို့ သုံးသပ်တာ တွေလည်း ရှိပါတယ်၊ NCA ကို မထိုးပဲနဲ့ နိုင်ငံရေး တွေ့ဆုံဆွေးနွေးမှုကို တခါတည်း လုပ်ဖို့ရန် ပြင်ဆင် တဲ့ ပါတီတွေလည်း ရှိပါတယ်၊ NCA လုပ်ငန်းစဉ် မပါပဲနဲ့ နိုင်ငံရေးတွေ့ဆုံဆွေးနွေးမှုကို တက်လာမည် ဆိုလို့ရှိယင် တိုင်းရင်းသား လက်နက်ကိုင် တော်လှန်ရေး အဖွဲ့အစည်းများအနေနဲ့ နိုင်ငံရေးတွေ့ဆုံ ဆွေးနွေးမှု မှာတင်းပြည့် ကျပ်ပြည့် ပါဝင်ဖို့ အဟန့်အတား အခက်အခဲတွေ ရှိနေအုံး မှာဖြစ်ပါတယ်၊ အဲဒီအတွက် ကြောင့် တဖက်က ပြန်ကြည့်ယင် NCA ကို ထိုးပြီးယင် တပ်မတော်ဖက်က ထိုးစစ် ဆင်လာပြီး တပ်မတော်ဖက် ကသာ တိုင်းရင်းသား နယ်မြေတွေမှာ ၀င်ရောက် ကျုးကျော်နေတဲ့ ကိစ္စတွေကို ဘယ်လိုကိုင်တွယ်မလဲဆိုတဲ့ ကိစ္စသည် NCA လက်မှတ် ရေးထိုးပြီးတဲ့ နောက် ဆက်လက် စောင့်ကြည့် သွားရမည့် အပိုင်းဖြစ်ပါတယ်၊ တပ်မတော်ကို ဘယ်လောက် ယုံလို့ရသလဲ ၊ ယုံလို့မရဘူးလဲ ဆိုတဲ့ ကိစ္စ က နောက်တပိုင်းဖြစ်ပါတယ်၊ NCA လက်မှတ် ရေးထိုးတဲ့ နေရာမှာ ၂၀၀၈ ဖွဲ့စည်းပုံ အခြေခံ ဥပဒေအရ တင်မြှောက်ထားတဲ့ အစိုးရ၊ လွှတ်တော်နဲ့ ၂၀၀၈ ဖွဲ့စည်းပုံအခြေခံ ဥပဒေအရ အခန်းကဏ္ဍ သတ်မှတ်ပေးထားတဲ့ တပ်မတော်၊ ဒီ ဖက် သုံးဖက် လက်မှတ်ရေး ထိုးထားတဲ့ NCA ဖြစ်တဲ့ အတွက်ကြောင့်မို့လို့ တပ်မတော်သည် NCA လက်မှတ် ရေးထိုးပြီးတဲ့ အခါမှာ ဂတိက၀တ်ကို တည်ရမှာဖြစ်ပါတယ်၊ လောလောဆယ်မှာ Biliteral Agreement အဆင့်ပဲ ဖြစ်နေသေးတော့ယင် တတိုင်းတပြည်လုံး အပစ်အခတ် ရပ်စဲရေးကိစ္စအတွက် တပ်မတော်ဖက်က ချိုးဖောက်နိုင်တဲ့ အနေအထား၊ မတ်တပ် ရှိနေဆဲ ဖြစ်ပါတယ်၊ အဲတော့ NCA ထိုးမှသာလျှင် တပ်မတော်ဖက်က ထိုးစစ်ဆင်နေမှုတွေကို သော်၎င်း ၊ တိုင်းရင်းသားလက် နက်ကိုင်များရဲ့ စိုးရိမ်ကြောင့်ကြမှုများကို သော် ၄င်း ထိန်းချုပ်နိုင်မှာ ဖြစ်ပါတယ်၊ တဆက်တည်းမှာပဲ NCA သဘောတရားကို ပြောရမယ်ဆိုလို့ရှိယင် NCA ဟာ အလွယ်တကူ ပျက်သွားနိုင်တယ်ဆိုတဲ့အချက်ပါပဲ၊ NCA ထိုးပြီးတာနဲ့ ကျောက် တိုင်ကြီးလိုပဲ ခိုင်ခိုင် မာမာ ရပ်သွားမယ်လို့ တထစ်ချပုံအပ်ပြီးယုံလို့မရပါဘူး၊ အဲဒါကြောင့် NCA ထိုးပြီးယင် တောင်မှလည်းပဲ တိုက်ပွဲတွေ မဖြစ်ဖို့၊ NCA မကျိုးပေါက်ဖို့ကို ဖက်နှစ်ဖက်စလုံး၊ ပြည်သူတရပ်လုံးက ၀ိုင်းဝန်းပြီး ထိန်းရမည့် အနေအထားဖြစ်ပါတယ်၊ NCA ကို ထိုးဖို့ ပြောတဲ့ အခါမှာ အဲဒီအချက်တွေကိုလည်း ထည့်သွင်းစဉ်း စားဖို့လိုပါတယ်၊ တဆက်ထည်း NCA နဲ့ ပါတ်သက်ပြီးတော့ အကုန်လုံးပါဝင်မှုဟာ အရေးကြီးပါတယ်၊ သို့သော် အင်မတန်အရေးကြီးတဲ့ အချက်တခုက အားလုံး အဆင်သင့်ဖြစ်ဖို့ စောင့်ဆိုင်းယင်းနဲ့ လက်လွှတ်ဆုံးရှူံးသွားနိုင်တဲ့ အခွင့်အလမ်းတွေကို နှိုင်းယှဉ် ချိန်ဆဖို့ လိုပါလိမ့်မယ်၊ အထူးသဖြင့် မြန်မာနိုင်ငံမှာ တိုင်းရင်းသား လက်နက်ကိုင် တော်လှန်ရေး အဖွဲ့အစည်းများဟာ တဖွဲ့တည်းမဟုတ်ပါဘူး၊ တိုင်းရင်းသားတမျိုးချင်းရဲ့ မတူကွဲပြားတဲ့ အခြေအနေ၊ နိုင်ငံရေးလမ်းကြောင်းနဲ့ နိုင်ငံရေး နောက်ခံအခြေအနေတွေရှိတဲ့ အခါကျတော့ ယခုအချိန်ထိ စုစုစည်းစည်း လမ်းကြောင်းတကြောင်းတည်း လျှောက်နိုင်ဖို့ဆိုတာ အင်မတန်မှ ကြိုးစားအားထုတ်ရတဲ့ ကိစ္စဖြစ်ပါတယ်၊ ဒါကိုလည်း ပဲ သတိမထားလို့ မရပါဘူး၊ အထူးသဖြင့် ဘယ်သူပဲဖြစ်ဖြစ် စက်တင်ဘာ ၉ ရက်နေ့ နိုင်ငံတော်သမ္မတ ကြီးနဲ့ လက်နက်ကိုင်ထိပ်သီး ခေါင်းဆောင် များ တွေ့ဆုံကြပြီးတဲ့ နောက်မှာ NCA လက်မှတ် ရေးထိုးရေးလမ်းကြောင်း ပွင့်လာပြီလို့ နားလည်ရပါ တယ်၊ မကြာခင်မှာ NCA လက်မှတ်ရေးထိုး နိုင်လိမ့်မယ်လို့ မျှော်လင့်ရပါတယ်၊

KNT: ၂၀၀၈ ဖွဲ့စည်းပုံအောက်မှာ ကျင်းပမည့် ၂၀၁၅ နိုဝင်ဘာ အထွေထွေရွေးကောက်ပွဲမှာ ချင်းနိုင်ငံရေးပါတီတွေရဲ့ အနေအထား ဘယ်လိုဖြစ်လာနိုင်ပြီး ဘယ်လိုဖြစ်သင့်သလဲ၊

ASK: လာမည့် နိုဝင်ဘာ ၈ ရက်နေ့မှာ ပြုလုပ်မည့် ၂၀၁၅ အထွေထွေရွေးကောက်ပွဲလို့ သိနေကြတဲ့ ပါတီစုံ အထွေထွေ ဒီမိုကရေစီ ရွေးကောက်ပွဲကြီးဟာ ကျတော်တို့တိုင်းပြည်အတွက် အရေးကြီးတဲ့ အခန်းကဏ္ဍ တခုဖြစ်ပါ တယ်၊ ပြည်ထောင်စုကြီး တခုလုံးအတွက် အရေးပါတဲ့ အကူးအပြောင်းရွေး ကောက်ပွဲကြီးတခုလို့ ပြောလို့ မရသည့် တိုင်အောင် ဒီမိုကရေစီ အသွင်ကူးပြောင်းမှု ၊ ပြည်တွင်းငြိမ်းချမ်းရေး ဖော်ဆောင် မှု ၊ ဆင်းရဲနွမ်းပါးမှု လျှော့ချ ရေးကိစ္စတွေအတွက် အရေးပါတဲ့ ရွေးကောက်ပွဲကြီးတခုဖြစ်ပါတယ်၊ နိုင်ငံတကာနှင့် ပြည်တွင်းစောင့်ကြည့် လေ့လာ သူများ၊ နိုင်ငံတကာ အဖွဲ့အစည်း၊ ပြည်တွင်း အဖွဲ့အစည်း၊ ပြည်သူတွေကို ရွေးကောက်ပွဲကော်မရှင်က အထပ်ထပ် ဂတိပေးတဲ့ ကိစ္စက လွတ်လပ်ပြီး တရားမျှတတဲ့ ရွေးကောက်ပွဲဖြစ်ဖို့ အတတ်နိုင်ဆုံး ကြိုးပမ်း ဆောင်ရွက် သွားမယ်ဆိုတဲ့ အချက်ဖြစ်ပါတယ်၊ အဲဒီအတွက်ကြောင့်မို့ လာမည့် ရွေးကောက်ပွဲ သည် လွတ်လပ်ပြီး တရားမျှတ လိမ့်မယ်လို့ ယူဆရပါတယ်၊ အဲဒါက ကျတော့်ရဲ့ တွက်ဆချက်ဖြစ်ပါတယ်၊ သို့သော် Technically ပြန်ပြောရ မည်ဆိုလို့ရှိယင် လွတ်လပ်ပြီးတရားမျှတဖို့ အခက်အခဲတွေ အများကြီးတွေ့နေရဆဲဖြစ်ပါတယ်၊ အထူးသ ဖြင့် ကျတော်တို့ မြန်မာနိုင်ငံနေရာ ဒေသ အတော်များများမှာ လူထုက ကိုယ့် မဲဆန္ဒနယ်မှာ ဘယ်သူ ဘယ်ဝါ က အရွေးခံပြီး ဘယ်သူကိုဘယ်လို မဲပေးရမည်ဆိုတာ ရှင်းရှင်းလင်းလင်း မသိတဲ့ နေရာဒေသတွေ အများကြီးရှိနေ ပါသေးတယ်၊ ထိုထက်မက မဲစာရင်းမှားယွင်းတဲ့ ကိစ္စတွေ ၊ မဲစာရင်းမှာ မပါတဲ့ကိစ္စတွေ သည် စက်တင်ဘာလထဲမှာမှ ကြေညာပေးရမယ် ဆိုတော့ တကယ်လို့များ နောက်ထပ် ထပ်မံ ကျန်ခဲ့တာများရှိယင် ဘယ်တော့ ထပ်မံ စာရင်း သွင်းလို့ရသေးတယ် ဆိုတဲ့ ကိစ္စတွေက ရှိနေပါတယ်၊ ထို့အပြင် နိုင်ငံခြားကို ရောက်ရှိနေ တဲ့ ရွှေ့ပြောင်း အလုပ်သမားများ သန်းနဲ့ချီ ရှိနေပါတယ်၊ သို့သော် လက်ရှိ ပြည်ထောင်စု ရွေးကောက်ပွဲ ကော်မရှင်ရဲ့ ထုတ်ပြန် ချက်အရ မဲထည့်မည့်အရေအတွက်ဟာ တသောင်း မကျော်ပါဘူး၊ အဲဒီအတွက် ကြောင့် နိုင်ငံတကာမှာ ရောက်ရှိ နေတဲ့ တရားဝင်မဲထည့်ပိုင်ခွင့်ရှိတဲ့ နိုင်ငံသားများရဲ့ မဲထည့်နိုင်ခွင့် တွေသည် လာမည့် စက်တင်ဘာ၊ အောက်တိုဘာ နှစ်လ အတွင်း ဆောင်ရွက်နိုင်မည့် အနေအထားရှိနေဖို့လိုပါတယ်၊ တဆက်တည်းမှာပဲ ယခု ကျတော်တို့ ပြည်နယ်၊ တိုင်း ၁၄ ခုမှာ ချင်း၊ စစ်ကိုင်း၊ မကွေး နဲ့ ရခိုင်မှာ သဘာဝဘေးဒါဏ်ကြောင့် အရေးပေါ် အခြေအနေ ကြေညာထား ရတဲ့ အနေအထားမှာရှိတော့ယင် အဲဒီနေရာဒေသမှာ ရွေးကောက်ပွဲ အောင်အောင်မြင် မြင်ဖြစ်ဖို့ဆိုတဲ့ ကိစ္စသည် အထူးသဖြင့် ချင်းပြည်နယ်လို နေရာတွေအတွက် အခက်အခဲဖြစ်ပါ တယ်၊ ယခုချိန်ထိ ချင်းပြည်နယ်မှာ ကျေးရွာချင်း ဆက်လမ်းတွေ မပေါက်သေးပါဘူး၊ မြို့ချင်းဆက်လမ်းတွေတောင်မှ မိုးရွာမည့် အခြေအနေအပေါ် မူတည်ဆဲ ဖြစ်ပါတယ်၊ ချင်းနိုင်ငံရေး ပါတီများ အနေနဲ့ လာမည့် နိုဝင်ဘာလ ရွေးကောက်ပွဲမှာ လက်တွဲဆောင် ရွက်ရေး သဘောတူညီချက် Electro Cooperation Agreement လက်မှတ်ရေးထိုးထားတာကြောင့် ECA အတိုင်းလိုက်နာ ဆောင်ရွက်နိုင်ကြဖို့လည်း အရေးကြီးနေပါတယ်၊ ပါတီများကြုံတွေ့နေရတဲ့ အခက်အခဲတွေ ကျတော်နား လည်သ ဘောပေါက်ပါတယ်၊ ချင်းပြည်နယ်လွှတ်တော်မှာ အမတ်ထိုင်ခုံ ၂၄ ခုရှိတဲ့ အနက် ချင်းပါတီ တွေက အနည်းဆုံး ၁၃ နေရာ မရဘူးဆိုလို့ရှိယင် ချင်းပြည်နယ်လွှတ်တော်ကို ထိန်းချုပ်ဖို့ အခက်အခဲတွေ ရှိပါလိမ့်မယ်၊ တကယ်လို့ ချင်းပြည်နယ် လွှတ်တော်ကို ထိန်းချုပ်ဖို့ အခွင့်အလမ်းမရှိဘူးဆိုလို့ရှိယင် ချင်းပြည်နယ် အစိုးရ၀န်ကြီး ခန့်ထားရေး ကိစ္စ ၊ ပြည်နယ် ၀န်ကြီးချုပ်ရွေးချယ်ရေးကိစ္စ တွေမှာ ခံစစ်နဲ့ ကစားရမည့် အနေအထား ဖြစ်ပါတယ်၊ ၂၀၀၈ ဖွဲ့စည်းပုံအရ ချင်းပြည်နယ် ၀န်ကြိးချုပ်ကို ချင်းနိုင်ငံရေးပါတီတွေက ၊ ချင်းပြည်နယ်လွှတ် တော်က တိုက်ရိုက် ခန့်ထား လို့ မရပါဘူး၊ အဲဒီအတွက်ကြောင့်မို့လို့ ပြည်ထောင်စုအဆင့် အနိုင်ရတဲ့ ပါတီ၊ NLD သို့တည်းမဟုတ် ပြည်ခိုင်ဖြို့ သို့တည်းမဟုတ် ညွန့်ပေါင်း စသည့် ပါတီကြီးတခုခုက ဆုံးဖြတ်ရမှာဖြစ်ပါတယ်၊ အဲတော့ NLD ကပဲ ဖြစ်ဖြစ်၊ ပြည်ခိုင်ဖြိုးပဲဖြစ်ဖြစ် အဆိုပြုပေးလိုက်တဲ့ ပုဂ္ဂိုလ်ကို ချင်းပြည်နယ်လွှတ်တော်က လက်ခံဖို့ မခံဖို့ ဆုံးဖြတ်ရမှာ ဖြစ်ပါတယ်၊ တကယ်လို့များ ပြည်နယ်လွှတ်တော်မှာ ချင်းနိုင်ငံရေးပါတီတွေက ၃ ပုံ ၂ ပုံလောက် အသာစီး ရထားလို့ ရှိယင် သမ္မတက အဆိုပြုတဲ့ ပြည်နယ်ဝန်ကြီးချုပ် လောင်း နဲ့ ပါတ်သက်ပြီးတော့ ညှိနှိုင်းနိုင်တဲ့ အနေအ ထားရှိမှာ ဖြစ်ပါတယ်၊ လိုအပ်တယ်ဆိုလို့ရှိယင်လည်း လွတ်တော်က ကန့်ကွက်နိုင်တာမျိုး လုပ်လို့ရပါ တယ်၊ ဒါကြောင့် လာမည့် ရွေးကောက်ပွဲမှာ ချင်းနိုင်ငံရေးပါတီများအနေနဲ့ ချင်းပြည်နယ်လွှတ်တော်ကို အမတ် အသာစီးနဲ့ ထိန်းချုပ် ထားနိုင်ဖို့ အင်မတန်မှ အရေးကြီးပါတယ်၊ တချိန်ထဲမှာပဲ ပြည်ထောင်စု အဆင့် အရွေးခံမည့် ပုဂ္ဂိုလ်များ သည်လည်း ပဲ ချင်းနိုင်ငံရေးပါတီထဲက ဖြစ်တယ် ဆိုလို့ရှိ ယင် ချင်းပြည်နယ်အရေးအတွက် ပြည်နယ်နဲ့ ပြည်ထောင် စုအကြား ဟန်ချက်ညီညီ ဆောင်ရွက်သွားနိုင်မှာဖြစ်တယ်၊ အထူးသဖြင့် ချင်းနိုင်ငံရေး ဆိုတာဟာ ချင်းပြည်နယ် နိုင်ငံရေးမ ဟုတ်ဘူး ဆိုတာ သတိချပ်ဖို့ လိုပါတယ်၊ ချင်းနိုင်ငံရေးနဲ့ ချင်းပြည်နယ်နိုင်ငံ ရေးမတူပါဘူး၊ ချင်းအမျိုး သားနေ့နဲ့ ချင်းပြည်နယ်နေ့ မတူပါဘူး၊ ကျတော်တို့ လိုချင်တာ ချင်းပြည်နယ်နေ့ မဟုတ်ခဲ့ပါဘူး၊ ချင်းအမျိုးသား နေ့ပါ၊

ဒီနေ့ ချင်းအမျိုးသားနေ့ကို ပြန်လည် ရရှိခဲ့ပါတယ်၊ ချင်းနိုင်ငံရေး နှင့် ချင်းပြည်နယ်နိုင်ငံ ရေးဆိုတာကို ကွဲကွဲပြားပြားနား လည်ဖို့လိုပါတယ်၊ ချင်းလူမျိုးများလို့ ပြောတဲ့ အခါမှာ ချင်းပြည် နယ်ထဲမှာ နေထိုင်တာက တ၀က်နီးနီးလောက် ပဲရှိပါတယ်၊ ချင်းပြည် နယ်ပြင်ပ စစ်ကိုင်း၊ မကွေး၊ ရခိုင် မှာ နေထိုင်တဲ့ ချင်းပြည် သူများအတွက် ဒီနေ့ ချင်းနိုင်ငံ ရေးပါတီများက ထည့်တွက် စဉ်းစားရတာဖြစ်ပါတယ်၊ အဲဒီအတွက်ကြောင့် ချင်းပြည်နယ်အစိုးရအနေနဲ့ ပြည်နယ် ပြင်ပမှာ ရှိတဲ့ ချင်းလူမျိုးများ အရေးအတွက် ထည့်တွက်စဉ်းစားနိုင်ဖို့ ဆိုလို့ရှိယင် ချင်းနိုင်ငံရေးပါတီများ ဦးဆောင် တဲ့ အစိုးရဖြစ်ဖို့ ချင်းနိုင်ငံရေး ပါတီများ ဦးဆောင်တဲ့ လွှတ်တော်ဖြစ်ဖို့ လိုပါတယ်၊ အဲလို ဖြစ်မှသာလျှင်ပဲ ချင်းလူမျိုး များရဲ့ လွတ် မြောက် ရေး၊ မြန်မာပြည်ထောင်စုအတွင်းမှာ ချင်းလူမျိုးများ တန်းတူညီမျှရေးကိစ္စတွေ ဖြစ်လာမှာပါ။ တချိန်ထဲမှာပဲ အဲလိုအနေအထားမျိုးမှာ ချင်းနိုင်ငံရေးပါတီများ ၁၁ ခု လက်မှတ်ရေးထိုးထားတဲ့ ECA နဲ့ပါတ်သက် ပြီးတော့ လိုက်နာဆောင်ရွက်မှုနောက်ပိုင်းမှာ အင်မတန်မှ အခက်အခဲ တွေ ရှိနေသေးတာကို သုံးသပ်တွေ့ရှိရပါတယ်၊ ECA ရဲ့ နည်းလမ်းသုံးခု ဖြစ်တဲ့ ဦးစားပေး ၁၂ ဦးရွေးချယ်ခြင်း၊ ဒေသန္တာရပါတီများအတွက် သက်ဆိုင်ရာ မဲဆန္ဒနယ် ရွေးချယ်သတ်မှတ်ပေးခြင်း၊ မြို့နယ်အဆင့် ချင်းနိုင်ငံရေးပါတီ ကိုယ်စားလှယ် လောင်းများ ညှိနှိုင်းခြင်း စသည့် နည်းလမ်းသုံးခု ချထားတဲ့နေရာမှာ ဦးစားပေး ရွေးချယ်တဲ့ ၁၂ နဲ့ပါတ်သက်ပြီး သော်၎င်း၊ ဒေသန္တာရ ပါတီများရဲ့ သီးသန့်မဲဆန္ဒနယ်ရွေးချယ်ခြင်းနဲ့ သော်၎င်း၊ အများကြီးညှိနှိုင်း ခဲ့ရတယ်၊ ကျတော်တို့ လိုချင်တာက ချင်းနိုင်ငံ ရေးခေါင်းဆောင်များဖြစ်ပါတယ်၊ ချင်းနိုင်ငံရေး ခေါင်းဆောင်များသည် ပါတီအသီး သီးမှာရှိပါ တယ်၊ ချင်းနိုင်ငံရေး ပါတီအားလုံးကို ပါတီတခုကပဲ အပြီးသတ်ဦးဆောင် လို့ မရသေးဘူး ဆိုတာ ကို အားလုံး လက်ခံ သဘော ပေါက်ပြီးဖြစ်ပါတယ်၊ အဲဒီအတွက်ကြောင့်မို့ လာမည့် ၅ နှစ်သက်တမ်းမှာ ချင်းလူမျိုး တရပ်လုံးကို ဦးဆောင်နိုင်မည့် နိုင်ငံရေးခေါင်းဆောင်များသည် ချင်းနိုင်ငံရေးပါတီ အသီးသီးက ထွက်ပေါ် လာရ မည်ဖြစ်တဲ့ အတွက် ကြောင့် အဲဒီအခွင့်အလမ်းကို ကျတော်တို့ ဖန်တီးရမှာဖြစ်ပါတယ်၊ ၁၂ ခုသော ချင်း နိုင်ငံရေး ပါတီများသည် ၁၂ မျိုးမဟုတ်ပဲ တမျိုးထဲပဲ ဖြစ်တယ် ဆိုတဲ့မူကို အစဉ်အမြဲကျင့်သုံးရမှာဖြစ်ပါတယ်၊ ချင်းတ မျိုးထဲပဲ ဆိုတဲ့မူကို ကျင့်သုံးပြီး အမှန်တကယ်ဖော်ဆောင်ဖို့ဟာ နိုင်ငံရေးပါတီများရဲ့ အင်မတန်မှ ကြီးလေးတဲ့ တာဝန်တ ရပ်ဖြစ်သလို ပါတီနိုင်ငံ ရေးလား၊ ချင်းနိုင်ငံရေးလား ဆိုတာ ကွဲကွဲပြားပြား နားလည်သဘောပေါက်အောင် အဖြေရှာရ မည့် အချိန်ကာ လဖြစ်ပါတယ်၊ ချင်းနိုင်ငံရေးဟာ မျိုးနွယ်စု နိုင်ငံရေး အဆင့် မှာပဲ ရှိနေဆဲလို့ ကျတော်တို့ သုံးသပ် တယ်၊ အဲဒါ ဗမာမူလို့ ပြောလို့ရပါတယ်၊ ဒီနေ့ တနိုင်ငံလုံးအတိုင်းအတာနဲ့ ချီတက် နေတာသည် ပြည် ထောင်စု နိုင်ငံရေးဖြစ် ပါတယ်၊ တနိုင်ငံလုံး ပစ်ခပ်တိုက်ခိုက်မှု စာချုပ်လက်မှတ်ရေး ထိုးနိုင်ပြီးတော့ မှ နိုင်ငံရေး ဆွေး နွေးမှု ပြင်ဆင်နေကြတဲ့ လုပ်ငန်းစဉ် တခုလုံးသည် ပြည်ထောင်စု နိုင်ငံရေးဖြစ်ပါတယ်၊ ပြည်ထောင်စု နိုင်ငံရေး ပြီးတော့မှ ချင်းနိုင်ငံရေး ပြီးတော့မှ မျိုးနွယ်စု နိုင်ငံရေး ဆိုပြီး အဆင့်ဆင့်ရှိပါတယ်၊ ချင်းလူမျိုးများ အနေနဲ့ မတူ ကွဲပြား တဲ့ မျိုးနွယ်စုတွေ ရှိနေတဲ့အတွက်ကြောင့်မို့လို့ ကိုယ့်မျိုးနွယ်စု၊ ဒေသန္တာရ အလိုက် ပါတီတွေ တည် ထောင်ခဲ့တဲ့ ကိစ္စတွေကို နားလည် လို့ရပါတယ်၊ သို့သော် မျိုးနွယ်စု တခုကို ကိုယ်စားပြုပြီးတော့မှ ချင်း ထဲက ခွဲထွက် ဖို့ ချင်းပြည်နယ်ထဲက ခွဲထွက်ဖို့ ကိစ္စတွေကိုတော့ ဘယ်လိုနည်းနဲ့မှ လက်ခံလို့ မရပါဘူး၊ ချင်းဆိုတာ ကျတော်တို့ ရွေးတာ မဟုတ်ပါဘူး၊ ချင်းလူမျိုးဖြစ်ခြင်းက ကျတော်တို့ရဲ့ ရွေးချယ်မှု မဟုတ်ပါဘူး၊ ကျတော်တို့ရဲ့ ယဉ်ကျေးမှု ၊ ဘာသာ စကား၊ ဆင်းသက်လာပုံ သမိုင်းကြောင်းတွေကို ခြုံငုံသုံးသပ်ပြီးတော့ ဒီ အုပ်စု ကြီးဟာ ချင်းဆိုတဲ့ အစုအစည်းထဲမှာ ပါဝင်နေရတာဖြစ်ပါတယ်၊ အဲဒီအတွက်ကြောင့် တစုတဖွဲ့က ငါတို့သည် ချင်းမဟုတ် ဘူးဆိုပြီး ချင်းထဲက ခွဲထွက်ဖို့ ကြိုးစားတဲ့ကိစ္စဖြစ်ဖြစ် နေရာဒေသတခုက ငါတို့က တချိန်တုန်းက ချင်းပြည်နယ်မှာ မပါခဲ့ဘူး၊ တချိန်တုန်းက ဒီလိုမျိုး အဆင့် Status နဲ့ နေခဲ့တဲ့အတွက်ကြောင့် ကိုယ်ပိုင်အုပ်ချုပ်ခွင့် ရရမယ်ဆိုပြီးတော့ ကြိုးစားတဲ့ ကိစ္စမျိုးဖြစ်ဖြစ် ချင်းတမျိုးလုံးရဲ့ စုစည်းမှုကို ပြိုကွဲစေတဲ့ ကိစ္စဖြစ်တဲ့ အတွက်ကြောင့် ဒီလုပ်ရပ်မျိုး ကိုတော့ ဘယ်ပါတီ၊ ဘယ်မျိုး နွယ်စုကပဲ လုပ်လုပ် လက်သင့်ခံလို့ မရပါဘူး၊ သို့သော် အင်မတန်အရေးကြီးတဲ့ အချက်က မျိုးနွယ်စုတွေ ကြားထဲမှာ ရှိနေတဲ့ ဒါဏ်ရာတွေ၊ ခံစားမှုတွေ ၊ ဘေးဖယ် ခံရတဲ့ ခံစားချက်တွေကို မမေ့သင့်ပါ။

ဒီပြသနာတွေဖော် ထုတ်ဖြေရှင်းဖို့ လိုပါတယ်၊ ချင်းမျိုးနွယ်စုတွေကြားထဲမှာ ခေတ်အဆက်ဆက်ရှိခဲ့တဲ့ ခွဲခြားဆက် ဆံမှုတွေ နိုင်လိုမင်း ထက်ဆောင် ရွက်ခဲ့တဲ့ ကိစ္စတွေ မျှတမှုကင်းမဲ့ခဲ့တဲ့ ကိစ္စတွေ စတဲ့ သမိုင်းအမှား သင်ခန်းစာတွေကို ပြန်လည်သင် ခန်းစာယူဖို့ လိုပါတယ်၊ ပါတီငယ်တွေထွက်ပေါ်လာတဲ့ ကိစ္စကို ရိုးသားစွာ နားလည်လက်ခံသော်လည်းပဲ တချိန်ထဲမှာ ကျတော်တို့ ရဲ့ ဦးတည်ရာ လမ်းကြောင်း ဟာ ပြန်လည် သင့်မြတ်ရေး နဲ့ ပြန်လည်ရင်ကြားစေ့ရေး ဖြစ်ပါ တယ်၊ ကျတော် တို့သည် တမျိုးထဲပါ၊ သန်းခေါင်စာရင်းမှာ ၅၃ မျိုးလို့ ပြောတဲ့ ကိစ္စဟာ မှားပါတယ်၊ ချင်းဟာ တမျိုးပဲ ရှိပါတယ်၊ အဲဒါကြောင့် မို့လို့ ချင်းနိုင်ငံရေးပါတီများ အနေနဲ့ ECA ကို အကောင်အထည်ဖော်တဲ့ အခါမှာ အင်မတန်မှ ကျယ်ပြန့်တဲ့ ပြည်ထောင်စု နိုင်ငံရေး၊ အင်မတန်မှ လေးနက်ပြီးတော့ အရေးကြီးတဲ့ ချင်းတမျိုးသားလုံး ပြန်လည် ရင်ကြားစေ့ ရေးကို ဦးတည်ပြီး တော့ ECA ကို ဆောင်ရွက်ကြမယ် ဆိုတာ ဖြစ်ပါတယ်၊ အဲဒါကို အကောင် အထည်ဖော် တဲ့ အခါမှာ အခက်အခဲ အကြီးမားဆုံးသည် လက်ရှိ ကြုံတွေ့နေရတဲ့ သဘာဝဘေး အန္တရာယ်ဖြစ် ပါတယ်၊ သို့သော် ECA မှာ ဖော် ပြထားတဲ့ အချက်အလက်တွေ အားလုံးကို အကောင်အထည်ဖော်ဖို့ အခက်အခဲ ရှိသည့် တိုင်အောင် ECA ရဲ့ အနှစ် သာရအားဖြင့် ရွေးကောက်ပွဲ ပြီးသွားတဲ့ နောက်မှာ အနိုင်ရတဲ့ အမတ်တွေ၊ ပါတီတွေ အချင်းချင်းပြန် လည်ပြီးတော့မှ စုစုစည်းစည်းနဲ့ စုပေါင်းအားနဲ့ ချီတက်သွားကြရမှာဖြစ်တယ်၊ ချုပ်ပြီးတော့ တင်ပြလိုတာက ECA အတိုင်းမဆောင်ရွက်နိုင်ဘူး ဆိုလို့ရှိယင် ချင်းမဲတွေ ပြားသွားမှာ ဖြစ်ပါတယ်၊ ချင်းမဲတွေ ပြား သွားယင် ချင်းပြည် နယ်အစိုးရ၊ လွှတ်တော်မှာ ချင်းနိုင်ငံရေးပါတီတွေ အသာစီးရဖို့ ကိစ္စသည် အင်မတန်မှ အခက် အခဲရှိပါတယ် ဆိုတာ ကို ဖော်ပြချင်ပါတယ်၊

Share.

About Author

Leave A Reply

*

code