CNF က ငြိမ်းချမ်းရေး ဖြစ်စဉ် နှင့် ပါတီ၏ Party Policy ကို ထောက်ခံသည့် နိုင်ငံရေးပါတီများအား အားပေးမည်

0

၂၀၁၅ ခုနှစ် နိုဝင်ဘာ (၈) ရက်နေ့တွင် ကျင်းပမည့် ပါတီစုံဒီမိုကရေစီ အထွေထွေရွေးကောက်ပွဲတွင် လက်ရှိ အစိုးရ နှင့် ဖော်ဆောင်နေ သည့်  ငြိမ်းချမ်းရေး ဖြစ်စဉ် နှင့် ပါတီ၏ Party Policy ကို ထောက်ခံသည့် နိုင်ငံရေးပါတီများအား ထောက်ခံအားပေးမည်ဟု ချင်းအမျိုး သားတပ်ဦး ( CNF) က ပြောသည်။

ချင်းတမျိုးသားလုံး၏ အကျိုးစီးပွားကို တစိုက်မတ်မတ် ဆောင်ရွက်နေသည့် အဖွဲ့ အစည်းဖြစ်သည်နှင့်အညီ ပါတီ နိုင်ငံရေးတွင် မိမိကိုယ်တိုင်ပါဝင်ပတ်သက်ခြင်း မရှိသော်လည်း ၂၀၁၅ အထွေထွေ ရွေးကောက်ပွဲတွင်မူ ချင်းအမျိုး သားတပ်ဦး ၏ ပြည်တွင်းငြိမ်းချမ်းေ ရး ဖြစ်စဉ်နှင့် ပါတီ၏မူဝါဒ ပေါ်လစီ များကို ထောက် ခံသည့် နိုင်ငံရေးပါတီများအား ထောက်ခံ အားပေးသွားမည် ဟု CNF က နိုဝင်ဘာလ (၄) ရက်နေ့တွင် ကျေညာချက် တရပ် ထုတ်ပြန်ထားသည်။

“၂၀၁၅ ခုနှစ် ရွေးကောက်ပွဲမှာ ဘယ်ပါတီကို မဲပေးမလဲဆိုတာ လူထုက ခဏခဏ မေးမြန်းကြတယ်၊ ဘယ်ပါတီ၊ ဟိုပါတီ မဲပေးပါ ဆိုတာထက် CNF ရဲ့ ငြိမ်းချမ်းရေးဖြစ်စဉ်နဲ့ CNF ပေါ်လစီကို ထောက်ခံတဲ့ နိုင်ငံရေးပါတီတွေ အနိုင်ရဖို့က အလိုချင်ဆုံးပေါ့၊ ဒါက CNF နဲ့ ချင်းပြည်သူလူထုရဲ့ အမျိုးသားနိုင်ငံရေးပူးပေါင်းဆောင်ရွက်မှုပဲလေ၊ ဒါ ပေမဲ့ မဲပေးဖို့ကိုတော့ လူထုက ဆုံးဖြတ်ရမှာပေါ့ ” ဟု ပါတီရေးရာဌာန အတွင်းရေးမှူး ဗိုလ်မှူးကြီး ဆော်လမွန် က ပြောသည်။

ဆက်လက်ပြီး အမျိုးသားအကျိုးစီးပွားဆောင်ရွက်ရာတွင် မည်သည့်နိုင်ငံရေးပါတီကိုမျှ မျက်နှာသာပေးခြင်း၊ ဆန့် ကျင် ကန့်ကွက်ခြင်း မရှိဘဲ နိုင်ငံရေးပါတီအားလုံးနှင့် ချစ်ကြည်ရင်းနှီးစွာ ဆက်ဆံရေးမူနှင့် ပူးပေါင်းလက်တွဲ ရေးမူကို ကိုင်စွဲကျင့်သုံးသည်ဟု ဖော်ပြထားပြီး အထွေထွေ ရွေးကောက်ပွဲကို လွတ်လပ်ပြီး တရား မျှတမှုရှိသော ရွေး ကောက်ပွဲဖြစ်နိုင်ရန်အတွက် အစိုးရအပါအ၀င် ပါဝင်သက်ဆိုင်သူအားလုံးမှ ၀ိုင်းဝန်းလုပ်ဆောင်ကြပါရန် တိုက် တွန်း ထားသည်။

ချင်းအမျိုးသားတပ်ဦး သည် လွှတ်တော်တွင်းနိုင်ငံရေး လမ်းကြောင်းပေါ် မရပ်တည်သော် လည်း ဒီမိုကရေစီ ရွေး ကောက်ပွဲ အင်္ဂါရပ်နှင့် ပြည့်စုံရန် နှင့် ချင်း အမျိုးသားနိုင်ငံရေး အကျိုးပြုနိုင်ရန် ရည်ရွယ်ချက်ဖြင့် ၂၀၁၀ ခုနှစ်နှင့် ယခုနှစ် ၂၀၁၅ အထွေထွေရွေးကောက်ပွဲ အသီးသီးအပေါ် သဘောထားအမြင်ထားရှိခဲ့သည်။

၂၀၁၀ ရွေးကောက်ပွဲဝင်မည့် နိုင်ငံရေးပါတီများနှင့်ပတ်သက်၍ တပ်ဦးသည်ကြားနေရပ်တည်ရန် နှင့် ရွေးကောက် ပွဲဝင်မည့် လွှတ်တော်ကိုယ်စားလှယ်လောင်းများနှင့် ပတ်သက်၍ ချင်းပြည်သူလူထု၏ နိုင်ငံရေးလိုအင် ဆန္ဒကို အမှန်တကယ်ဖော် ဆောင်လိုသော ကိုယ်စားလှယ်များကို ရွေးချယ်ရန် လိုအပ်ကြောင်း သဘောထား ရှိခဲ့သည်။

သို့သော် ၂၀၁၅ ခုနှစ် အထွေထွေရွေး ကောက်ပွဲဝင်မည့် နိုင်ငံရေးပါတီများအနေဖြင့် ပြည်တွင်း ငြိမ်းချမ်း ရေးဖြစ် စဉ်နှင့် ပါတီ၏ မူဝါဒပေါ်လစီများကို ထောက်ခံသည့် နိုင်ငံရေးပါတီများအား ထောက်ခံအားပေးသွားရေး နှင့် ချင်းအမျိုးသားနိုင်ငံရေးပါတီများ တပါတီအဖြစ် (သို့မဟုတ်) တပ်ပေါင်းစုအဖြစ်စုစည်းစေ၍ ၂၀၁၅ ခုနှစ် အထွေ ထွေရွေးကောက်ပွဲနှင့် ချင်းအမျိုးသားအရေးတွင် ပူးပေါင်းဆောင်ရွက်နိုင်ရေး တိုက်တွန်းသွားရန် ဟူ၍ သဘောထား ချမှတ်ခဲ့သည်။

Share.

About Author

Leave A Reply

*

code