ချင်းလူမျိူး ၅၃ မျိူးရှိ သည်ဟု ရေးသားပြော ဆိုမှု မမှန်ကန်ကြောင်း ချင်းအဖွဲ့ ထောက်ပြ

0

Chin state map

မြန်မာနိုင်ငံတွင် တိုင်းရင်းသားလူမျိူး ၁၃၅ မျိူးရှိသည့် အနက် ချင်းလူမျိူးများသည် ၅၃ မျိူးရှိသည်ဟု သတ်မှတ်ရေတွက် မှုသည် မှန်ကန်မှုမရှိကြောင်း ၂၀၁၄ ခုနှစ် သန်းခေါင်စာရင်းဆိုင်ရင် ချင်းအမျိူးသား အထောက် အကူပြုကော်မတီ မှ ဒီဇင်ဘာ ၁၄ ရက်နေ့က ထောက်ပြပြောဆို လိုက်သည်။

 

မြန်မာနိုင်ငံတွင် ချင်းလူမျိူး ၅၃ မျိူးရှိကြောင်းတပ်မတော်အစိုးရလက်ထက်မှစတင်ကာ ရေးသားပြောဆိုမှုများရှိလာပြီး ၂၀၁၄ ခုနှစ် လူဦးရေ နှင့် အိမ်အကြောင်းအရာ သန်းခေါင်စာရင်းကောက်ယူရာတွင် ချင်းလူမျိူးများအား ၅၃ မျိူး ပိုင်းခြား ကာ ကုတ်အမှတ် ၄၀၁ မှ ၄၅၃ အထိ သတ်မှတ်ကောက်ယူခဲ့ခြင်းကြောင့် ချင်းလူမျိူးတို့အကြား နားလည်မှုလွဲမှားခြင်း၊ စိုးရိမ်စိတ်များဖြစ်ပေါ်ခြင်း နှင့် အချင်းချင်းစိတ်ဝမ်းကွဲပြားရန်အစပျိူးလာခြင်းများကြုံတွေ့ခဲ့ရသည်ဟု ဒီဇင်ဘာ ၁၄ ရက်နေ့ စွဲဖြင့် ထုတ်ပြန်သော သန်းခေါင်စာရင်းဆိုင်ရင် ချင်းအမျိူးသားအထောက်အကူပြုကော်မတီ၏ ကြေညာချက်တွင် ထောက်ပြပြောဆိုထားသည်။

 

ယင်းအထောက် အကူပြုကော်မတီ အနေဖြင့် ချင်းလူမျိူး ၅၃ မျိူး အရေအတွက် နှင့်ပတ်သက်ပြီး ချင်းလူမျိူးများအကြား ကျယ်ကျယ်ပြန့်ပြန့်ဆွေးနွေးခြင်း၊ ချင်းလူမျိူးတတ် သိပညာရှင်များအား မေးမြန်းခြင်း၊ မျိူးနွယ်စု အ လိုက်ခေါင်းေ ဆာင် များ နှင့် ညှိနှိုင်းခြင်း များကို ၂၀၁၅ ခုနှစ်အတွင်း ဆောင်ရွက်ခဲ့ကြရာမှ ပဏာမလေ့လာတွေ့ရှိချက်အရ ချင်း ၅၃ မျိူးရှိသည် ဟူသော ရေတွက်မှုသည် မှန်ကန်မှုမရှိကြောင်းတွေ့ရှိရသည်ဟု ကြေညာချက်တွင်ဖော်ပြထားသည်။

 

၎င်းတို့၏ ပဏာမလေ့လာတွေ့ရှိချက်တွင် ချင်း ၅၃ မျိူးထဲ၌ နာဂအပါအ၀င် နာဂမျိူးနွယ်စု လေးခု၊ မဏိပူရမျိူးနွယ်စု တစ်ခု၊ နေပါလီမျိူးနွယ်စု တစ်ခု နှင့် အမျိူးအမည် နှစ်ခုကိုမူ မည်သည့်မျိူးနွယ်စုဖြစ်ကြောင်း စီစစ်အတည်ပြုနိုင် ရန်ကြိုး စား ဆဲဖြစ် သည်ဟု သိရသည်။

 

ထို့အပြင် ချင်းမျိူးနွယ်စုအမည်များအနက် လေးခုကို တစ်ခုလျင် အနည်းဆုံး နှစ်ကြိမ်စီ (ရှစ်မျိူးအဖြစ်) ရေးသားဖော်ပြထား ပြီး လေးခုသည် မျိူးနွယ်စုအမည်မဟုတ်ဘဲ ဒေသ၊မြို့၊ အမည်ရှေ့တပ်စကားလုံးစသည်တို့ကို အမျိူးအမည် အဖြစ် ရေး သား ထားခြင်းဖြစ်ကြောင်း စီစစ်တွေ့ရှိရသည်ဟု ချင်းအမျိူးသားအထောက်အကူပြုကော်မတီ၏ ကြေညာချက်တွင် ဖော်ပြထားသည်။

 

ကော်မတီအနေဖြင့် ပဏာမလေ့လာတွေ့ ရှိချက်များ အရ အမျိူးအမည် ၅၃ ခုအနက် ချင်းမျိူးနွယ်စုများအဖြစ် ၃၆ မျိူးကို ရေတွက်နိုင်ခဲ့ကြောင်း၊ ယင်း ၃၆ မျိူးတွင် မျိူးနွယ်စု (Tribe)၊ ဆွေမျိူးစု(Clan)၊ မျိူးတူစု (Family) များ ရောနှောပါဝင်နေ ကြောင်း တွေ့ရှိရသည်ဟု ကော်မတီကပြောသည်။

 

သို့သော် အမျိူးအမည် ၅၃ ခုအနက် ချင်းမျိူးနွယ်စုများ အဖြစ် ၃၆ မျိူးကိုသာ စုစည်းရေတွက်နိုင်သည်ဟူသောအချက် သည် ချင်းလူမျိူး ၃၆ မျိူးရှိသည်ဟု ဆိုလိုခြင်းလုံးဝမဟုတ်ကြောင်း ကော်မတီ၏ကြေညာချက်တွင်ဖော်ပြထားသည်။

 

မြန်မာနိုင်ငံ အတွင်းရှိ လူဦးရေသန်းခေါင်စာရင်း ကို လာမည့်နှစ် ၂၀၁၆ ခုနှစ် ဇန်န၀ါလဆန်း ပိုင်းတွင် ဗဟိုသန်းခေါင်စာရင်း ကော်မရှင်မှ ထုတ်ပြန်သွားမည်ဖြစ်ပြီး ယင်းကဲ့သို့ ထုတ်ပြန်သည့်အချိန်တွင် ချင်းလူမျိူးများအကြား မလိုလား အပ်သော ရှုပ် ထွေးမှုများ ထပ်မံမပေါ်ပေါက်စေရန် လည်းကောင်း၊ ချင်းပြည်နယ် အတွင်း၊အပြင် ဒေသအသီးသီးတွင် သွားရောက်ကာ လေ့လာဆွေးနွေးညှိနှိုင်း အဖြေရှာခြင်းများကို ချင်းအမျိူးသား အထောက် အကူပြုကော် မတီက ဆက်လက်ဆောင် ရွက်သွား မည်ဟု သိရသည်။

Share.

About Author

Leave A Reply

*

code