UNFC ကြီးမှူးကျင်းပသည့် တိုင်းရင်းသားညီလာခံက ငြိမ်းချမ်းရေးဆိုင်ရာ နိုင်ငံရေး စီမံချက် ချမှတ်

0

ယခုလ စက်တင်ဘာ ၁၄ – ၁၆ အကြား ထိုင်းမြန်မာနယ်စပ်တနေရာတွင် UNFC (United Nationalities Federal Council ) မှ ကြီးမှူးကျင်းပသည့် တိုင်းရင်းသား လူမျိုးများ ညီလာခံက လက်ရှိ အစိုးရနှင့် တိုင်းရင်းသား လက်နက်ကိုင်များအကြား ဖော်ဆောင်နေ သည့် ငြိမ်းချမ်းရေး လုပ်ငန်းစဉ် အတွက်  ငြိမ်းချမ်းရေးဆိုင်ရာ နိုင်ငံရေး စီမံချက်များ ချမှတ်လိုက်ကြောင်း သိရသည်။

အစိုးရနှင့် တိုင်းရင်းသားလက်နက်ကိုင် တော်လှန်ရေးအဖွဲ့အစည်းများ၊ နိုင်ငံရေးပါတီများ၊ အမျိုးသမီး၊ လူငယ်ထု၊ လူထု အခြေပြုအဖွဲ့ အစည်းများပါဝင်လျက် နိုင်ငံရေးမူဘောင်မှာ ပါဝင်မည့် အချက်အလက်များ ချမှတ်ပြီး နှစ်ဖက် ငြိမ်းချမ်း ရေးကိုယ်စားလှယ်တွေအနေဖြင့် ဘက်နှစ်ဘက်မှ လက်ခံနိုင်သော နေရာတွင် တွေ့ဆုံဆွေးနွေးရန်၊ ဆွေးနွေး ချက်အ ကောင်အထည်ဖော်ရာမှာ နှစ်ဦးနှစ်ဖက်မှ လက်ခံသော ဘက်မလိုက်သည့် နိုင်ငံတကာ လေ့လာ စောင့်ကြည့်ရေး အဖွဲ့ထားရှိရန် နှင့် ဘက်မလိုက်သည့် မီဒီယာများ ပါဝင်ပြီး အများပြည်သူ သိရှိအောင် ပူးတွဲထုတ်ပြန်ရန်၊ ထိုမှတဆင့် သက်ဆိုင်ရာ ပြည်နယ်၊ တိုင်း၊ လူမျိုးအလိုက် ညီလာခံ ကျင်းပပြီး ပြည်သူ သ ဘော ထား ရယူသွားကြရန်ချမှတ်ကြသည်။

ထို့နောက် တိုင်းရင်းသား လက်နက်ကိုင်အဖွဲ့အစည်း၊ နိုင်ငံရေးပါတီ၊ လူမှု အဖွဲ့အစည်း၊ တတ်သိ ပညာရှင်မှ ကိုယ်စား လှယ်များပါဝင်တဲ့ တိုင်းရင်းသားလူမျိုးစုံ ညီလာခံ ခေါ်ယူကျင်းပရန်၊ နောက်ပြီး တိုင်းရင်းသားကိုယ်စားလှယ်၊ ဒီမိုက ရေစီနိုင်ငံရေးအင်အားစုမှ ကိုယ်စားလှယ်များ၊ အစိုးရကိုယ်စားလှယ်များ အချိုးညီပါဝင်စေပြီး ပင်လုံကဲ့သို့သော အမျိုး သား ညီလာခံတရပ် ကျင်းပသွားရန်၊ ထိုညီလာခံမှ ချမှတ်သည့် သဘောတူညီချက်များကို ပြည်ထောင် စုလုံးဆိုင်ရာ လူမျိုး စုံ သဘော တူညီချက် ( Union Accord ) အဖြစ် သဘောထားပြီး သတ်မှတ်သည့် အချိန်တွင်  အကောင်အထည်ဖော် သွား ရန် သဘော တူ ညီကြသည်။

“ တိုင်းရင်းသားအဖွဲ့အစည်းတွေဖက်က တပြည်လုံးအတိုင်းအတာဖြင့် ထာဝစဉ်တည်တံ့တဲ့ ငြိမ်းချမ်းရေးရရှိဖို့ စတင်ဖော် ဆောင်တဲ့ အစည်းအဝေးကြီးလို့ မြင်ပါတယ်” ဟု ချင်းငြိမ်းချမ်းရေးအကျိုးတော်ဆောင်လူကြီး တဦး က ပြောသည်။

ညီလာခံတွင် အမျိုးသားတန်းတူရေး နှင့် ငြိမ်းချမ်းရေးမူဘောင် ချမှတ်ရာတွင် အခြေခံရမည် လမ်းညွန်အ ခြေခံ မူများ၊ တိုင်းရင်းသားလူမျိုးပေါင်းစုံ လိုလားသည့် စစ်မှန်သော ဖက်ဒရေပြည်ထောင်စု လမ်းညွန် အခြေခံမူများ၊ လူ နည်းစု အခွင့် အရေး၊ ဖက်ဒရေပြည်ထောင်စု တပ်မတော်ဆိုင်ရာမူဝါဒ၊ ကျားမ တန်းတူရေးတို့ကို တင်သွင်း ဆွေးနွေးသွား ကြပြီး မူအား ဖြင့် ထပ်မံ သဘောတူညီချက်ရရှိသွားကြသည် ဟု သိရသည်။

လက်ရှိ UNFC ဥက္ကဌ ဗိုလ်ချုပ်ကြီး အင်ဘန်လက တိုင်းရင်းသားလူမျိုးများအနေနဲ့ အမျိုး သားရေး၊ တော်လှန်ရေး၊ နိုင်ငံ ရေး သတိရှိကြဖို့၊ နိုင်ငံရေး အလှည့်အပြောင်း ၊ အကွေ့အကောက်မှာ မျက်စိလည်မသွားကြဖို့၊ ယနေ့ နိုင်ငံရေး အ ပြောင်းအလဲကို တကယ့်နိုင်ငံရေးအပြောင်းအလဲလို့ လွဲမှားစွာ ထင်ပြီး လမ်းမှား မလိုက်ကြဖို့ ညီလာခံ သဘာပတိ အဖွင့် မိန့် ခွန်း မှာ မှာကြားသွားကြောင်း ထပ်မံ သိရသည်။

UNFC စစ်ဘက်ဆိုင်ရာ အကြံပေး အရာရှိ ဗိုလ်မှူးကြီး ခွန်ဥက္ကာ ကလည်း ယခု တိုင်းရင်းသားညီလာခံ ကျင်းပရခြင်းဟာ တိုင်းရင်းသားတွေအနေနဲ့ ဆုံးရှူံးသွားတဲ့ နိုင်ငံရေးအခွင့်အရေးအတွက် ဘုံရပ်တည်ချက်ရရှိဖို့၊ တသံတည်းထွက်ရေး အ တွက်ဖြစ်ကြောင်း ဆက်လက်ပြောဆိုသည်။

ညီလာခံသို့ တိုင်းရင်းသားလက်နက်ကိုင်အဖွဲ့အစည်း ၂၀ ဖွဲ့၊ လူမှုအသင်းအဖွဲ့များ၊ ငြိမ်းချမ်းရေး အကျိုးတော် ဆောင် များ၊ တတ်သိပညာရှင်များ၊ နိုင်ငံရေးပါတီများ၊ တသီးပုဂ္ဂလ မှ ကိုယ်စားလှယ်စုစုပေါင်း ၁၅၀ ခန့်တက် ရောက် သည်။

ယခုညီလာခံသည် လက်ရှိအစိုးရနှင့် တိုင်းရင်းသားလက်နက်ကိုင်များ ငြိမ်းချမ်းရေးဖြစ်စဉ်အတွင်း တိုင်းရင်းသား လက် နက် ကိုင်အဖွဲ့အစည်းများ၊ နိုင်ငံရေးပါတီများ၊ လူထုအခြေပြုအဖွဲ့အစည်းများ ပထမဦးဆုံးအကြိမ် ကျင်းပသည့် တိုင်း ရင်း သားညီလာခံ ဖြစ်သည်။

Share.

About Author

Comments are closed.