ကလေးမြို့နယ် အင်ဒိုင်းလေး ဘိလပ်မြေတူးဖော်ရေး အခြေအနေလေ့လာခြင်း

0

Sangte – မြန်မာနိုင်ငံ၏ ဘိလပ်မြေ လိုအပ်ချက်သည် တစ်နှစ်လျင် အနည်း ဆုံး တန်ချိန်ပေါင်း သန်း(၂၀၀) ခန့် ရှိသည် ဟု သိရပြီး ယင်း အတွက် နိုင်ငံခြားမှ တင်သွင်း လျက်ရှိ သည်။ သို့ သော် လည်း လုံလောက်မှု ရှိသည် ဟုမဆို နိုင် ပေ။  မြန်မာနိုင်ငံ တွင် ဘိလပ် မြေ ထုတ်လုပ်သည့်စက်ရုံ အနည်းဆုံး (၁၂) ရုံခန့်ရှိသည်။ ရန်ကုန်မြို့ရှိ မြိုင်ကလေးစက်ရုံသည် အကြီးဆုံး ဖြစ်ပြီး တစ်ရက်လျှင် တန်ချိန် (၉၀၀၀) ခန့်ထုတ်လုပ်လျက်ရှိသည်။

 

နိုင်ငံ နဲ့ ပြည်သူများ ၏ ထက်တစ်နေ့မြင့်မားလာသော လိုအပ် ချက်ကိုသိသော ကုမ္ပဏီများ ကလည်း အစိုးရ ခွင့်ပြုချက်ဖြင့် ဘိလပ်မြေ ကုန်ကြမ်းရရှိရန် အပြိုင်အဆိုင် တော တောင်များဖြို ချပြီး နယ်မြေ ချဲ့ထွင် လျက် ရှိကြ သည်။

 

ကလေးမြို့ဘက် တွင်လည်း ကုမ္ပဏီနှစ်ခုမှ ဘိလပ်မြေ ကုန်ကြမ်းရရှိရန်အတွက် အင်ဒိုင်းလေး နှင့် အင် ဒိုင်း ကြီး တို့ ဘက်တွင် တောင် တွေစမ်းသပ်လျက်ရှိပါသည်။ ဦးသိန်းထွန်းပိုင်ဆိုင်သော ထွန်းသွင် ကုမ္ပဏီက အင်း ဒိုင်းလေး ကျေးရွာ ဘက် တွင် သတ္တုဝန်ကြီးဌာန ၏ ခွင့်ပြုချက်ဖြင့် ဘိလပ်မြေကုန်ကြမ်း ရှာဖွေ တူး ဖော် ရေး လုပ် ငန်းကို လုပ် ဆောင်နေသည်မှာ (၂)လခန့်ရှိနေပြီ ဟုသိရသည်။

 

“ကျွန်တော်တို့က စမ်းသပ် ကာလ (၁)နှစ်ရပါတယ်၊ ခုဆိုရင် (၆) ကျင်းတူးဖို့ (၃)ကျင်းပြီးစီးခဲ့ပြီး၊ ကျင်း တွေက ပေ ၃၀၊ ၅၀ နဲ့ ၇၀ လောက်အထိ နက်ပါတယ်၊ အဲဒီအောက်မှာတော့ ကျောက်မာတွေဘဲရှိတယ်၊ ကျန်တဲ့ ကျင်းတွေတော့ ဘယ်လိုလာမလဲ မသိဘူး။ သထုံဘက်မှာလည်း (၁၀) ကျင်းတူးဖို့ (၅) ကျင်းတူးခဲ့ပြီ။ ဒီနှစ် မှာတော့ အခက်အခဲနဲ့ စတင်ရင်ဆိုင် နေရပြီဆိုတော့ လုပ်ငန်းရပ်ဆိုင်းရ တော့မယ်။ ပွင့်လင်းရာသီရောက်မှ ပြန် လည်လုပ်ဆောင်နိုင် မယ် ထင် တယ်။ ပြီးတော့ တူးတဲ့စက် သံပိုက်ခေါင်းတွေ ကျိုးပဲ့တော့ လုပ်ငန်းက မတွင်တော့ ဘူး” ဟု ထွန်းသွင်ကုမ္ပဏီမှ ဆိုက်တာဝန်ခံ ဦးချို က ပြောသည်။

 

တူးဖော်ရေးနဲ့ ပတ်သက်ပြီး ဦးချိုက “အစိုးရနဲ့ သဘောတူညီမှုအရ ခုကုန်ကျစရိတ်ကတော့ ကုမ္ပဏီကဘဲ အားလုံးကျခံ ပါတယ်။ နောက်ရလာ မယ့် အမြတ်ကတော့ ကုမ္ပဏီ က ၆၀%၊ အစိုးရဘက်က ၄၀% နဲ့ လုပ်ဆောင် ဖို့ ပြင် ဆင် နေ တာပေါ့။ အရင်အစိုးရ ပေါလီစီကတော့ ကုမ္ပဏီ ကရရှိတယ်။ အခုတော့ အဲဒီမူကမရှိတော့ဘူး ခုတူး ဖော်တဲ့ မြေနမူနာတွေကို နေပြည်တော် မှာရှိတဲ့ သတ္တုဝန်ကြီးဌာနက အရင် စမ်းသပ်မယ်။ အောင်မယ် မအောင် ဘူး ဆိုတာတော့ ပြောလို့မရသေးဘူးပေါ့ နော်။ ကျွန်တော်တို့ စက်ကလည်း ဒီထက်နက်တဲ့ကျင်းတွေတူးဖို့ မခိုင် တော့ဘူး။ သူများစက် ငှားမယ်ဆိုရင် ၁ မီတာ အနက်မှာ တစ်သိန်း ပေးရမယ်။ မီတာ ၂၀၀ မှာဆိုရင် ကျပ်သိန်း ၂၀၀ လောက် ရှိ တယ်၊ အလုပ်သမားက ပုံမှန် ၁၀ ယောက် လောက်ရှိတယ် ဆိုတော့ ကုန်ကျတာ လည်း တော်တော်လေးများပြီ” ဟု ဆိုသည်။

 

ဒေသခံတစ်ဦး ကိုကျော်မင်း အေးကလည်း “ဒေသခံပြည်သူတွေနဲ့ မြေနေရာမှာတော့ ဘာအငြင်းပွားမှုမှ မရှိပါဘူး။ အစိုးရ မြေနေရာတွေဆို တော့ ပြည်သူ့ဘက်က ပြောပိုင်ခွင့်မရှိ ဘူး။ Company ဘက်ကလည်း အင်ဒိုင်း လေးနဲ့ အင်ဒိုင်းကြီး ပညာရေး၊ ကျန်း မာရေးနဲ့ ဒေသတိုးတက်ဖွံ့ဖြိုးရေး ကဏ္ဍမှ နာရေးကားတစ်စီး စီ ဝယ်ပေး တယ်၊ အင်ဒိုင်းကြီးအတွက် မီးသဂြိုလ် စက်နဲ့ မြို့ဝင်၊ ရွာအဝင် ဆိုင်းဘုတ် လုပ်ပေးမယ်။ အားလုံးပေါင်း ကျပ် သိန်း (၄၀၀) လောက်တော့ သူတို့ ကုန်မယ်ထင်တယ်” ဟု Khonumthung News ကိုပြောပြသည်။ကုမ္ပဏီမှ အကောင် အထည် ဖော်မည့် စက်ရုံနှင့်ပတ်သက်ပြီး ဦးချို က “ဘိလပ်မြေစက်ရုံ (အသေးစား) ထောင်ဖို့အတွက် အနည်းဆုံး US ဒေါ်လာ သိန်း ၅၀၀ လိုပါတယ်။ နည်း ပညာသုံးဖို့လည်း လိုတယ်၊ ပြီးတော့ ဘိလပ်မြေ ထုတ်လုပ်ဖို့ တခြား ကုန် ကြမ်းတွေလည်း သယ်ယူရမယ်ဆို တော့ စက်ရုံ ထောင်ဖြစ် မလားဆိုတာ ပြောဖို့ခက်တယ်” ဟုဆိုသည်။

 

ဒီလိုဆိုရင် ဒေသခံပြည်သူ များ၏ အနာဂတ်အိမ်မက်ဖြစ်သော အစိုးရ နှင့် ကုမ္ပဏီများ အကူအညီဖြင့် လမ်းဖောက် လုပ်ရေး၊ အလုပ်ပေါ ကြွယ်ဝရေးတို့သည် နီးသထက် နီးလာသလား၊ ဝေးသထက်ဝေးသွား မလားဆို သည် မှာ စောင့်ကြည့် ရဦးမည်ဖြစ်သည်။

Share.

About Author

Leave A Reply

*

code