တိုင်းရင်းသားလက်နက်ကိုင်အဖွဲ့အစည်းများနှင့်တွေ့ဆုံရန် မီဇိုရမ်ပြည်နယ် ဝန်ကြီးချုပ်ဟောင်း ထိုင်းကိုသွားရောက်

0

မြန်မာ့ငြိမ်းချမ်းရေးကိစ္စနှင့်ပတ်သက်ပြီး တိုင်းရင်းသားလက်နက်အဖွဲ့အစည်းများနှင့်တွေ့ဆုံဆွေးနွေးရန် အိန္ဒိယနိုင်ငံ အရှေ့မြောက်ဒေသ မီဇိုရမ် ပြည်နယ် ဝန်ကြီးချုပ်ဟောင်း လက်ရှိ Mizo National Front (MNF) ဥက္ကဌ ပူး ဇိုးရမ်းထန်းငါသည် ဇူလိုင်လ ၄ ရက်နေ့က ထိုင်းနိုင်ငံကို ထွက်ခွာ ခဲ့ကြောင်း သိရသည်။

 

ပူး ဇိုးရမ်းထန်းငါသည် ထိုင်းနိုင်ငံ ချင်းမိုင်မြို့တွင် တိုင်းရင်းသားလက်နက်ကိုင်အဖွဲ့အစည်းများမှခေါင်းဆောင်များနှင့် တွေ့ဆုံကြ မည်ဖြစ်ပြီး လက်ရှိငြိမ်းချမ်းရေးလုပ်ငန်းစဉ်အခြေအနေများကို ဆွေးနွေးကြမည်ဟု မီဇိုရမ်ဒေသထုတ် Vanglaini သတင်း တွင်ဖော်ပြထားသည်။

 

(MNF) ဥက္ကဌသည် မြန်မာ့ငြိမ်းချမ်းရေး ကြား ၀င်ကူညီဆောင်ရွက်ပေးရန် ၂၀၁၅ ခုနှစ် ဇန်န၀ါရီလ ၁၈ ရက်နေ့ကလည်း ထိုင်းနိုင်ငံ ဘန်ကောက်မြို့သို့ တိုင်းရင်းသားလက်နက်ကိုင် ၁၇ ဖွဲ့မှ ကိုယ်စားလှယ် များနှင့်တွေ့ဆုံပြီး မီဇိုးလက်နက်ကိုင်တပ်ဖွဲ့ နှင့် အိန္ဒိယ အစိုးရ အကြား ငြိမ်းချမ်းရေးဆောင်ရွက်ခဲ့ကြသည့် အတွေ့အကြုံများ ကို ရှင်းလင်းဖလှယ်ခဲ့ဘူးသည်။

 

Pu Laldenga(ကွန်လွန်) ဦးဆောင်သော Mizo National Front (MNF) မီဇိုးလူမျိူးစုလက်နက်ကိုင်တပ်ဖွဲ့ သည် မီဇိုရမ်ပြည်နယ် လွတ်လပ်ရေး အတွက် ၁၉၆၆ ခုနှစ်က အိန္ဒိယအစိုးရကို စတင်ပုန်ကန်ခဲ့သည်။ အိန္ဒိယ အစိုးရ နှင့် ဆယ်စုနှစ် ၂ ခုကြာ လက်နက်ကိုင်တိုက်ခိုက်ခဲ့ကြပြီးနောက် ၁၉၈၆ ခုနှစ်တွင် Rajiv Gandhi ဦးဆောင်သော အိန္ဒိယအစိုး နှင့် တွေ့ဆုံဆွေးနွေးပြီး The Mizo Accord ခေါ် မီဇိုးသဘောတူညီချက်ကို ချူပ်ဆိုခဲ့ကြသည်။ ယင်းသဘောတူစာချူပ်သည် အိန္ဒိယနိုင်ငံတွင် အအောင်မြင်ဆုံးသော ငြိမ်းချမ်းရေးစံပြသဘောတူစာချူပ်အဖြစ် သတ်မှတ်ခံ ခဲ့ရပါသည်။

Share.

About Author

Leave A Reply

*

code