ငြိမ်းချမ်းရေးလမ်းစဉ်မှာ ပြည်သူအားလုံးပါဝင်မူ အရေးကြီးကြောင်း Pu Khua Uk Lian တိုက်တွန်း

0

တိုင်းပြည်ငြိမ်းချမ်းရန်အတွက် ပြည်သူလူထုအနေနှင့် သက်ဆိုရာအဖွဲ့အစည်းများမှာ ပံ့ပိုးပါဝင်ပေးခြင်းသည်လည်း အဓိကကျ သည့်အကြောင်းအရာဖြစ်ကြောင်း  ချင်းအမျိုးသားတပ်ဦး လက်ထောက်အထွေထွေ အတွေးရေးမှူး (၂) Pu Khua Uk Lian က ပြောကြားသည်။

“တိုင်းပြည်ငြိမ်းချမ်းရေး၊ ပြည်တွင်းငြိမ်းချမ်းရေးဆိုတဲ့ဟာက အဖွဲ့အစည်းတွေ၊ အစိုးရတွေထဲနဲ့မပြီးဘူး၊ ပြည်သူလူထုကြီးပါ မှဖြစ်တယ်။ ခုဆိုရင် အဖွဲ့အစည်းတွေရဲ့ အခြေခံရပ်တည်ချက်၊ အသံတွေက တူနေတယ်၊ အဲဒီတူညီနေတဲ့ အပေါ်မှာ ပြည်သူ လူထုက လည်း ပံ့ပိုးပြီးတော့မှ ငြိမ်းချမ်းရေး အမြန်ဆုံးရနိုင်အောင် သက်ဆိုင်ရာအဖွဲ့အစည်း၊ သက်ဆိုင်ရာလူမျိုးတွေမှာ ပါဝင်ပေးကြပါ” ဟု ၎င်းက တိုက်တွန်းပြောဆိုခဲ့သည်။

သမိုင်းဝင် ၂၁ ရာစု ပင်လုံညီလာခံကြီးသည် ပြည်တွင်းငြိမ်းချမ်းရေးကို အောင်အောင်မြင်မြင် ဖော်ဆောင်ပေးနိုင်မည်ဟု ယုံကြည်ကြောင်း၊ အဖွဲ့အစည်းအသီးသီးကို သက်ဆိုင်ရာ ပြည်သူလူထုအနေနှင့်  ပံ့ပိုးကူညီအားပေးကြရန် အဖွဲ့အစည်းနှင့်ပြည်သူ တထပ်တည်းအသံထွက်မှ ငြိမ်းချမ်းရေးကို အလျှင်မြန်ဆုံးရနိင်မည်ဟု ၎င်းကဆက်ပြောကြားသည်။

၂၁ ရာစု ပင်လုံညီလာခံကြီး၌ ဖတ်ကြားတင်သွင်းသမျှသောစာတမ်းများအရ ၉၅ ရာခိုင်နှုန်းသောစာတမ်းမှာ တူညီနေ သဖြင့် နောက် လုပ်ရမည့် လုပ်ငန်းများအပေါ် လွယ်ကူစေမှာဖြစ်ပြီး ပြည်သူလူထု၏ ပံ့ပိုးအားပေးမှုကလည်း အရေးကြီးလာမည်ဟု သုံးသပ် မိကြောင်း Pu Khua Uk Lian က  ခိုနုမ်းသုန်သတင်းဌာနသို့ ပြောပါတယ်။

“စာတမ်းတွေ သိပ်ကွဲမယ်ဆိုလို့ရှိရင်တော့ စုစည်းဖို့မလွယ်ဘူး၊ အခုတော့ ၁၀၀ မှာ ၉၅ ရာခိုင်နှုန်းက စုစည်းပြီးသားဖြစ်နေတယ်။ အဲဒါက ကျနော်တို့ ညီလာခံရဲ့အမြတ်ဖြစ်တယ်” ဟု မှတ်ချက်ပြုပြောဆိုသည်။

Share.

About Author

Leave A Reply

*

code