လက်ပံချောင်းတွင် တိုက်နယ်ဆေးရုံးထားရှိရန် အစီစဉ်မရှိသေး

0

ကလေးမြို့အနောက်မြောက်ဘက်ဒေသ ချင်းလူမျိူးအများစုနေထိုင်ကြသော လက်ပံချောင်းကျေးရွာတွင် တိုက်နယ် ဆေးရုံး ဖွင့်လှစ်ထားရှိရန် အစီစဉ်မရှိသေးကြောင်း ပြည်ထောင်စုဝန်ကြီး ဒေါက်တာမြင့်ထွေးပြောသည်။

စက်တင်ဘာလ ၂၂ ရက်နေ့ကပြုလုပ်သော ဒုတိယအကြိမ် ပြည်သူ့လွှတ်တော် ဒုတိယ ပုံမှန်အစည်းအဝေးတွင် ကလေးမြို့နယ် ပြည်သူ့လွှတ်တော်ကိုယ်စားလှယ် ဒေါ်ရှားမီးက ကလေးမြို့နယ်၏ အနောက်မြောက်ဒေသရှိ သင့်တော်သော လက်ပံချောင်းကျေးရွာတွင် တိုက်နယ်ဆေးရုံ တည်ဆောက်ပေးရန် အစီအစဉ်ရှိ/မရှိ မေးမြန်းရာတွင် ကျန်းမာရေးနှင့် အားကစားဝန်ကြီးဌာန၊ ပြည်ထောင်စုဝန်ကြီး ဒေါက်တာမြင့်ထွေးက အစီစဉ်မရှိသေးကြောင်း ပြန် လည်ဖြေကြားခဲ့ခြင်းဖြစ်သည်။

ကလေးမြို့နယ်၌ တောင်ပိုင်းတွင် ဆေးရုံ ၂ ရုံ၊ မြောက်ပိုင်းအစွန်တွင် ၁ ရုံ စုစုပေါင်း တိုက်နယ်ဆေးရုံ ၃ ရုံရှိသော်လည်း လက်ပံချောင်းကျေးရွာ ပတ်ဝန်းကျင်ရှိ ရွာပေါင်း ၄၁ ရွာမှ လူဦးရေ ၆၂၅၃၅ ဦးနှင့် ချင်းပြည်နယ်မှ လက်လှမ်း မမီနိုင် သောရွာ ၁၁ ရွာမှ လူဦးရေ ၄၂၅၀ ဦးစုစုပေါင်း ၆၆၀၀၀ ကျော်ဦးသည် မြောက်ပိုင်းအစွန်ရှိ ရာဇဂြိုလ်ဆေးရုံသို့ လမ်းပန်း ဆက်သွယ်ရေးခက်ခဲခြင်း၊ မြို့နယ်အဆင့်မြင့်ဆေးရုံကြီးနှင့် ဝေးကွာနေခြင်း၊ လိုအပ်သော ဆေးဝါးများဝယ်ယူရန်အတွက် မြို့ကို တစ်ပတ်ပြန်ပတ်နေရခြင်း တို့ကြောင့် သွားရောက်နိုင်ခြင်း မရှိကြကြောင်း ဒေါ်ရှားမီးကပြောသည်။

ထို့အပြင် ရေကြီးရေလျှံမှုကြောင့် တံတားကြီးများ အားလုံးပျက်စီးသွားပြီး ဒေသအတွင်း ပိတ်မိနေသည့် အခြေ အနေများ လည်း ဖြစ်နေသည့်အတွက်ကြောင့် မိမိတို့မြို့နယ်၏ ပထဝီအနေအထားအရလည်းကောင်း၊ကျန်းမာရေးဌာန စံနှုန်းများ အရလည်းကောင်း၊ တိုင်းရင်းသား စည်းလုံး ညီညွတ်ရေးအရ လည်းကောင်း တည်ဆောက်ပေးရန် လျော်ကန်သင့်မြတ် သော တိုက်နယ် ဆေးရုံတစ်ရုံကို ကလေးမြို့နယ်၏ အနောက်မြောက်ဒေသရှိ သင့်တော်သော လက်ပံချောင်းကျေးရွာတွင် တည်ဆောက်ပေးရန် အစီအစဉ်ရှိ/မရှိကို စက်တင်ဘာ ၂၂ ရက်နေ့က ကျင်းပသော ပြည်သူ့လွှတ်တော်အစည်းအဝေးတွင် မေးမြန်းခဲ့ခြင်းဖြစ်သည်။

အဆိုပါမေးခွန်းအပေါ် ပြည်ထောင်စုဝန်ကြီးက လက်ပံချောင်းကျေးရွာနှင့် အနီးတဝိုက် ကျေးရွာများတွင် နေထိုင်သော ဒေသခံများသည် မြောက်ဘက်တွင် ဖွင့်ထားခဲ့သော ရာဇဂြိုလ် တိုက်နယ်ဆေးရုံသို့ လည်းကောင်း၊ တောင်ဘက်ရှိ ကလေးမြို့ပြည်သူ့ဆေးရုံကြီးသို့လည်းကောင်း သွားရောက် ကုသနေကြပါကြောင်း၊  အညွှန်းကိန်းများကိုကြည့်ပါက ယခုအချိန်တွင် တိုက်နယ်ဆေးရုံ ဖွင့်လှစ်ရန် အစီအစဉ် မရှိသေးပါဟု ပြန်လည်ဖြေကြားခဲ့သည်။

သို့သော်လည်း တိုက်နယ်ဆေးရုံအသစ်ဖွင့်လှစ်ရန် တင်ပြခြင်းကိစ္စဖြစ်သည့်အတွက် တိုက်နယ်ဆေးရုံအနီးရှိ အခြားတိုက်နယ်ဆေးရုံတွင် Rural Health Center များ မြို့နယ် ဆေးရုံများ၌ လူနာများ ပြင်ပအတွင်းလူနာများ တက်ရောက်မှုအခြေအနေ တောင်းဆိုသည့် တိုက်နယ်ဆေးရုံမှာ မြေပြင်အနေအထား (Geographical Drain)၊ လမ်းပန်းဆက်သွယ်ရေး အခြေအနေ လူနာများဖျားနာမှု ရောဂါမည်မျှရှိသည် စစ်တမ်းကောက်ယူမှု စာရှင်းဇယားအခြေအနေ လူဦးရေသိပ်သည်းမှု Internal Migration များ မည်မျှ ရှိခြင်း၊ ဆေးရုံဆောက်ရန် နေရာရှိ/မရှိ၊ ငွေရှိ/မရှိ၊ လူဦးရေ၊ ဆရာဝန်နှင့် သူနာပြုများလုံလောက်မှုရှိ/မရှိတို့ကို စစ်ဆေးပြီးမှသာလျှင် မိမိတို့ စဉ်းစားပါကြောင်း၊ လွှတ်တော်ကိုယ်စားလှယ်ကြီးတင်ပြခဲ့သကဲ့သို့ တိုင်းရင်းသားစည်းလုံး ညီညွတ်ရေးကိစ္စကိုလည်း ထည်သွင်းစဉ်းစားရမည်ဖြစ်ပါကြောင်း၊ ၎င်းတို့သည် Subjective Criterion ဖြစ်သော်လည်း အလွန်အရေးကြီးသည့် ကိစ္စရပ်များ ဖြစ်သည့်အတွက် မိမိတို့အနေဖြင့် မြေပြင်အခြေအနေကိုသိရှိရန် ဗဟိုမှ အဖွဲ့တစ်ဖွဲ့ကို တိုင်းဒေသကြီးဦးစီးမှူးနှင့်တွဲပြီး အမြန်ဆုံး သွားရောက် ကြည့်ရှုမည်ဖြစ်ပါကြောင်း၊ မိမိတို့ ဆောင်ရွက်ပေးမည်ဖြစ်ပါကြောင်း ၀န်ကြီးကရှင်းလင်းဖြေကြားခဲ့သည်။

Share.

About Author

Leave A Reply

*

code