တီးတိန်တွင် လေယာဉ်ကွင်းတည်ဆောက်ရန် အစီစဉ်မရှိ

0

ချင်းပြည်နယ် တီတိန်းမြို့နယ်တွင် ရာသီဥတုနှင့် ပထ၀ီနယ်မြေအနေအထားအရ လေယာဉ်ကွင်းတည်ဆောက်ရန် အစီစဉ်မရှိမကြောင်း ပြည်ထောင်စု ပို့ဆောင်ရေးနှင့် ဆက်သွယ်ရေးဝန်ကြီးဌာန ဒုတိယ၀န်ကြီး ဦးကျော်မျိူးက ပြောဆိုလိုက်သည်။

တီးတိန်မြို့နယ်တွင် လေယာဉ်ကွင်း ဖောက်လုပ်ပေးရန် အစီစဉ်ရှိမရှိနှင့်ပတ်သက်၍ ယနေ့အောက်တိုဘာ ၃၀ ရက်နေ့တွင် ကျင်းပသော ဒုတိယအကြိမ်အမျိူးသားလွှတ်တော် ဆဌမပုံမှန်အစည်းအဝေး သတ္တမနေ့တွင် ချင်းပြည်နယ် မဲဆန္ဒနယ်မြေအမှတ်(၆) ဦး ကျင့်ခန့်ပေါင်မှ မေးမြန်းခဲ့ရာတွင် ဒုဝန်ကြီး ဦးကျော်မျိူးက ယခုကဲ့သို့ ဖြေကြားခဲ့ခြင်းဖြစ်သည်။

ချင်းပြည်နယ်တွင် လေယာဉ်ကွင်းတည်ဆောက်ရန် ပြီးခဲ့သည့် ၂၀၁၂ ခုနှစ်ကစတင်ပြီး ဖလမ်း၊ ဟားခါး၊ တီးတိန်စသည့်မြို့ နယ်များတွင် ကွင်းဆင်းတိုင်တာမှုများပြုလုပ်ခဲ့ကြပြီး လွှတ်တော်ကိုယ်စားလှယ် ဦးကျင့်ခန့်ပေါင်တင်ပြသော ဒုတိယကမ္ဘာစစ်အတွင်း လေယာဉ်ငယ်များဆက်သက်ခဲ့သည့် စံပီးတောင်တန်းသည် လေယာဉ်များအန္တာရာယ်ကင်းရှင်းစွာ ဆင်းသက်နိုင်ရေးအတွက် လုံလောက်သော ပြေးလမ်းတည်ဆောက်၍မရသည့်အတွက်ကြောင့် လေယာဉ်ကွင်းတည်ဆောက်ရန်အစဉ်မရှိကြောင်း ဒုဝန်ကြီးကပြောသည်။

“စံပီးတောင်ဟု အမည်ရသည့် တောင်တန်းနယ်မြေသည် ပင်လယ်ရေမျက်နှာပင်အထက် မြင့်မားစွာတည်ရှိနေခြင်း၊ လေယဉ်များဘေးအန္တာရယ်ကင်းစွာဆင်းသက်အသုံးပြုနိုင်ရန် လုံလောက်သော ပြေးလမ်းအလျားတည်ဆောက်၍မရနိုင်ခြင်း၊ လက်ရှိတည်ဆောက်လျက်ရှိတဲ့ ဖလမ်းလေယဉ်ကွင်းနဲ့ လေကြောင်းခရီးလမ်း အကွာအဝေးခန့်မှန်း ၁၈ မိုင်ခန့်သာကွာဝေးပြီး နီးစပ်စွာတည်ရှိနေခြင်းကြောင့် အဆိုပါနေရာမှာ လေယဉ်ကွင်းဆောက်လုပ်ပေးရန် အစီစဉ်မရှိပါကြောင်းဖြေကြားအပ်ပါသည်” အမျိူးသားလွှတ်တော်အစည်းအဝေးတွင် ဒုဝန်ကြီးကဖြေကြားခဲ့သည်။

တီးတိန်မြို့သည် ပင်လယ်ရေ မျက်နှာပင် ပေ ၈၀၀၀ အထက်တွင်တည်ရှိပြီး တောင်တန်းမြင့်မားထူထပ်ခြင်း၊ လေတိုက်နှုန်းပြင်းထန်ခြင်း မိုးရေချိန်များပြားခြင်း၊မြင်ကွင်းရှင်းလင်းမှုအားနည်းခြင်း၊ လေယဉ်အထွက်လမ်းကြောင်းနှင့် ပတ်ဝန်းကျင်အတားအဆီးများပြားခြင်းတို့အပြင် လေယဉ်ပြေးလမ်းအလျား ပေ ၃၀၀၀ ခန့်သာတည်ဆောက် နိုင်မည်ဖြစ်ပြီး လေယဉ်ငယ်များသာဆင်းသက်နိုင်မည်ဖြစ်သည်ဟု သိရသည်။

ထို့ကြောင့် ချင်းပြည်နယ်တွင် လေယာဉ် ပြေးလမ်းတည်ဆောက်ရန် အကြိမ်ကြိမ်တိုင်းတာချက်အရ ပေ ၆၀၁၀၀ ရရှိရန် တည်ဆောက်ရန်ဖြစ်သဖြင့် အသင့်တော်ဆုံးဖြစ်သည့် ဖလမ်းမြို့ ဆုရ်ဘုန်တောင်ကျောမြေနေရာကိုရွေးချယ်ခဲ့ပြီး လေယဉ်ကွင်းတည်ဆောက်ရေးလုပ်ငန်းကို ၂၀၁၅-၁၆ ဘဏ္ဍာရေးနှစ်တွင် စတင်ခဲ့ပြီး ၂၀၂၀-၂၁ ဘဏ္ဍာရေးနှစ်တွင် ပြီးဆုံးရန် လျာထားဆောင်ရွက်လျက်ရှိသည်ဟု ဒုဝန်ကြီး ဦးကျော်မျိူးကပြောသည်။

Share.

About Author

Leave A Reply

*

code