ကမ္ဘာ့ဘဏ်မှ ထုတ်ချေးမည့် ဒေါ်လာသန်း ၆၀ ပြန်လည်ရုပ်သိမ်းခြင်းမဟုတ်- ချင်း လမ်း/ပန်း ၀န်ကြီး ဦးရွှေထီးယို

0

စစ်ကိုင်းတိုင်းဒေသကြီး ကလေးမြို့မှ ချင်းပြည်နယ် ဖလမ်း – ဟားခါးမြို့အထိ ဆက်သွယ်ထားသော ကားလမ်းမကြီးကို နိုင်လွန်ကတ္တရာခင်းရန်အတွက် ကမ္ဘာ့ဘဏ်မှ ဒေါ်လာသန်း ၆၀ ထုတ်ချေးမယ့်အစီစဉ်ကို ပြန်ရုပ်သိမ်းခြင်းမဟုတ်ဘဲ တင်ပြတဲ့အဆင့်သာရှိသည်ဟု ချင်းပြည်နယ် လမ်းပန်းဆက်သွယ်ရေးဝန်ကြီး ဦးရွှေထီးယိုကပြောသည်။

“ရုပ်သိမ်းတယ်ဆိုတဲ့ဥစ္စာက မဟုတ်သေးပါဘူး၊ လေ့လာရေးအဖွဲ့တစ်ဖွဲ့လာပြီးတော့ သူတို့ရဲ့တင်ပြချက်အရ လယ်ယာတွေ ပျက်စီးပါတယ်၊ ကျောင်းတွေပျက်စီးပါတယ်၊ တကယ်တော့ သဘာဝဘေးဒဏ်ကြောင့် ပျက်စီးတဲ့ဟာကို လျော်ကြေးတွေရလားလို့မေးတယ် ဖြေတဲ့သူကလည်းအခြေအနေကိုမသိတော့မရတဲ့အကြောင်းတွေဖြေတယ်၊ အဲဒီလူကနေပြီးတော့ Country Director ဆီကို စာရေးတယ်၊ Country Director ကနေပြီးတော့ ဆောက်လုပ်ရေးပြည်ထောင်စုဝန်ကြီး မပေးသင့်ဘူး ပြည်သူလူထုနစ်နာပါတယ်ဆိုပြီးတော့ စာရေးအကြောင်းကြားတယ်၊ ရုပ်သိမ်းတယ်မရုပ်သိမ်းဘူးဆိုတာ မရှိသေးပါဘူး’’ ဟု ၀န်ကြီးဦးရွှေထီးယိုကပြောသည်။

ကလေး-ဖလမ်း-ဟားခါး ကားလမ်းတိုးချဲ့ဖောက်လုပ်ခြင်းကို ဆောင်လုပ်ရေးဝန်ကြီးဌာနမှ တာဝန်ယူပြီး ၂၀၁၆ ခုနှစ်က စတင်ခဲ့ခြင်းဖြစ်သည်။ ယင်းကားလမ်းတိုးချဲ့ဖောက်လုပ်မှုကို လေ့လာရေးအဖွဲ့တစ်ဖွဲ့မှ သွားရောက်လေ့လာရာတွင် သဘာဝပတ်ဝန်းကျင် နှင့် လူမှုဘ၀ထိခိုက်နစ်နာမှုများတွေ့ရှိရသည်ဟုတင်ပြချက်အရ ကမ္ဘာ့ဘဏ်မှ Country Director Ellen A. Goldstein က ပြည်ထောင်စု ဆောက်လုပ်ရေးဝန်ကြီး ဦးဝင်းခိုင်ထံ ပြီးခဲ့သည့် အောက်တိုဘာလ ၁၇ ရက်နေ့က စာရေးသားပေးပို့ခဲ့ခြင်းဖြစ်သည်။

ကမ္ဘာ့ဘဏ် တာဝန်ရှိသူများအနေဖြင့် ဆောက်လုပ်ရေးဝန်ကြီးဌာနမှ ဆောက်လုပ်ရေးဝန်ထမ်းများ ထံ ပြီးခဲ့သည့် ၂၀၁၆ ခုနှစ် သြဂုတ် ၊ နိုဝင်ဘာ နှင့် ၂၀၁၇ ခုနှစ် ဖေဖော်ဝါရီလများတွင် လိုအပ်သည့် သင်တန်းများပို့ချပေးပြီးဖြစ်သော်လည်း အမှန်တကယ်လုပ်ငန်းအကောင်အထည်ဖော်သည့်အချိန်တွင် လုပ်ငန်းအပေါ် ဂရုစိုက်မှုအားနည်းခြင်း၊ လုပ်ငန်းအပေါ် ကျေပွန်မှုမရှိခြင်း၊ ကျန်းမာရေးပိုင်းထိခိုက်စေနိုင်ခြင်းနှင့် အမှိုက်မြေဇာများ စနစ်တကျစွန့်ပစ်မှုမရှိခြင်းတို့ကို တွေ့မြင်ရသည်ဟု ပြည်ထောင်စုဝန်ကြီးထံပေးပို့သည့် စာထဲတွင်ဖော်ပြထားသည်။

Share.

About Author

Leave A Reply

*

code