ပလက်ဝမြို့ နယ်မြေမတည်ငြိမ်မှုကြောင့် Act East Policy ထိခိုက်လာနိုင်

0

မြန်မာတပ်မတော်နှင့်ရခိုင်တပ်မတော် (အေအေ) တို့အကြား ပစ်ခတ်တိုက်ခိုက်မှုကြောင့် ပလက်ဝမြို့နယ်အတွင်း တည်ငြိမ်မှု မရှိသည့်အပေါ် အိန္ဒိယနိုင်ငံမှ မြန်မာနိုင်ငံတွင်း စီးပွားရေးအတွက် ရင်းနှီးမြှုပ်နှံထားသည့် Act East Policy ကို ထိခိုက်လာနိုင် ကြောင်း သတင်းရရှိသည်။

မြန်မာတပ်မတော်နှင့် အေအေ တို့အကြား ပစ်ခတ်တိုက်ခိုက်သည့်နေရာသည် ပလက်ဝမြို့နယ်အတွင်းမှာ ဖြစ်နေသည့်အတွက် ဒီနေရာဒေသတွင် အမြန်ဆုံးနယ်မြေတည်ငြိမ်မှုမရှိပါက Act East Policy နှောင်းနှေးလာနိုင်သလို ကုန်သွယ်ရေးခက်ခဲမှု ရှိလာနိုင်တယ်လို့ မီဇိုရမ်ဒေသထုတ် The Aizawl Post သတင်းစာတွင် ဖော်ပြသည်။

ရေးကြောင်းအားဖြင့် အိန္ဒိယ-မြန်မာကို ကုန်သွယ်ပေးရန်အတွက် Kaladan Multi Modal Transport Project ခေါ် ကုလားတန်မြစ်ကြောင်း ဘက်စုံသုံး ဖြတ်သန်းသယ်ယူပို့ဆောင်ရေး စီမံကိန်း အောက်မှာ အဓိကဖြစ်သည့် ပလက်ဝမြို့တွင် ရေနက်ဆိပ်ကမ်း တည်ဆောက်မှုမှာ ပြီးသလောက်ရှိနေပြီဖြစ်သော်လည်း တိုက်ပွဲကြောင့် လုပ်ငန်းယာယီရပ်နားထားရတယ်လို့ မြန်မာနိုင်ငံမှ သတင်းရရှိကြောင်း အဆိုပါ သတင်းစာတွင် ထပ်မှန်ဖော်ပြသည်။

ကုလားတန်မြစ်ကြောင်းစီမံကိန်းသည် မြန်မာနိုင်ငံရခိုင်ပြည်နယ်တွင် ရေနက်ဆိပ်ကမ်းတည်ဆောက်ခြင်း၊ ယင်းမှ ပလက်ဝမြို့အထိ ပြည်တွင်းရေကြောင်းကို အသုံးပြုကာ ပလက်ဝမြို့မှစတင်၍ အဝေးပြေးလမ်းမှတစ်ဆင့် အိန္ဒိယနိုင်ငံမီဇိုရမ်ပြည်နယ်အထိ ဆက်သွယ်မည့် စီမံကိန်း တစ်ခုဖြစ်သည်။

ယင်းကုလားတန်စီမံကိန်းသည် စုစုပေါင်း ကန်ဒေါ်လာ ၂၁၄ သန်းခန့်ကုန်ကျနိုင်ဖွယ်ရှိသည်ဟု ခန့်မှန်းထားပြီး စီမံကိန်း တစ်ခုလုံးအား အိန္ဒိယဘက်မှ အကုန်အကျခံ ဆောင်ရွက်နေခြင်းဖြစ်ပြီး ၄င်းမှာ အိန္ဒိယမှ မြန်မာနိုင်ငံတွင်း ရင်းနှီးမြှုပ်နှံထားသည့် အကြီးဆုံးသော ဖွံ့ဖြိုးတိုးတက်ရေး စီမံကိန်းတစ်ခုလည်းဖြစ်သည်။

တိုက်ပွဲဖြစ်ပွားသည့်နေရာများတွင်ရှိသော ပြည်သူများကို အေအေတပ်မတော်မှ လက်ရှိအခြေအနေမှာ ရေကြောင်းအားဖြင့် ခရီးမသွားကြရန် ပြောဆိုထားသောကြောင့် ကုလားတန်မြစ်ကြောတစ်လျှောက်တွင် မီဇိုရမ်ပြည်နယ်ဘက်ကို ထွက်ပြေးချင်တဲ့ ခူမီးလူမျိုးများစွာ သောင်တင်နေကြရတယ်လို့လည်း သိရသည်။

Share.

About Author

Leave A Reply

*

code