နိုင်ငံသားစီစစ်ရေးကတ်ပြားတွင် သက်ဆိုင်ရာတိုင်းရင်းသားအက္ခရာများဖြင့် ကိုယ်ရေးအချက်လက် ရေးသားနိုင်

0

လူနည်းစုတိုင်းရင်းသားလူမျိူးများအနေဖြင့် နိုင်ငံသားစီစစ်ရေးကတ်ပြား (မှတ်ပုံတင်)တွင် ကိုယ်ရေးအချက်အလက် အမည်နာမများကို မြန်မာအက္ခရာအပြင် သက်ဆိုင်ရာတိုင်း ရင်းသားအက္ခရာများဖြင့် ရေးသားနိုင်သည်ဟု အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီး ဦးသိန်းဆွေက ပြောဆိုသည်။

ယင်းကိစ္စနှင့်စပ်လျဉ်း၍ ဖေဖော်ဝါရီလ ၅ ရက်နေ့က ကျင်းပသော ပြည်သူ့လွှတ်တော် အစည်းအဝေးတွင် ကလေး မဲဆန္ဒနယ်မှ ဒေါ်အေးအေးမူ(ခ) ရှားမီးက လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာန နှင့်ပညာရေးဌာနများတွင်လူနည်းစု တိုင်းရင်းသားများ၏ ကိုယ်ရေးအချက်အလက်များ ဖြည့်သွင်းရာ၌ မြန်မာအက္ခရာအပြင် သက်ဆိုင်ရာ တိုင်းရင်းသားအလိုက်အက္ခရာ သို့မဟုတ် နိုင်ငံတကာသုံး အင်္ဂလိပ် အက္ခရာနှင့်ပါ ဖြည့်စွက်ရေး သွင်းခွင့်ပြုရန် အစီအစဉ် ရှိ၊ မရှိ မေးမြန်းခဲ့သည့်အပေါ် ၀န်ကြီး ဦးသိန်းဆွေက ယခုကဲ့သို့ ပြန်လည်ဖြေကြားခဲ့ခြင်းဖြစ်သည်။

“၁၉၈၂ ခုနှစ်၊ မြန်မာနိုင်ငံသားဥပဒေလုပ်ထုံးလုပ်နည်းများနှင့်‌အညီ ပြဋ္ဌာန်းသတ်မှတ်ထား သည့် နိုင်ငံသားကိုယ်ရေးမှတ်တမ်းပုံစံ(နိုင်) ပုံစံဖြင့် နိုင်ငံသားစိစစ် ရေးကတ်ပြား အကြောင်း အရာ ပြုစုရေးသွင်းခြင်း နည်းများအတိုင်း ကာယကံရှင်များမှတင်ပြသော မွေးဖွားကြောင်း အထောက်အထား လက်မှတ်ပါအမည်ကိုမြန်မာဘာသာဖြင့် ပီသစွာရေးသားဖော်ပြပြီး တိုင်းရင်းသား လူမျိုးတစ်_မျိုးဖြစ်ပါက အမည်ကိုမြန်မာဘာသာဖြင့် ရေးသားဖော်ပြ သည့်အပြင်တိုင်းရင်းသား ဘာသာဖြင့်လည်း ဖော်ပြရမည် ဟုတိကျစွာပြဋ္ဌာန်း ထား သောကြောင့် တိုင်းရင်းသားဘာသာဖြင့် အမည်များကို ဖြည့်သွင်းရေးဆွဲ နိုင်သည့်အပြင် မြန်မာစကားနှင့် အသံထွက်မှန်အောင်ရေး၍မရသော တိုင်းရင်းသား အမည်များကိုလည်း မြန်မာဘာသာအပြင် သက်ဆိုင်ရာတိုင်းရင်းသားဘာသာဖြင့်လည်း ရေးသွင်နိုင်သည်’’ ဟု ၀န်ကြီးက ပြန်လည်ဖြေကြားခဲ့သည်။

လူနည်းစုတိုင်းရင်းသားများအဖြင့် အိမ်ထောင်စုစာရင်း၊ နိုင်ငံသားစီစစ်ရေးကတ်ပြား နှင့် ကျောင်းအပ်သည့်အခါမျိူးတွင် ၎င်းတို့၏ အမည်နာမများကို မြန်မာအက္ခရာဖြင့် ရေးသားဖြည့် သွင်း ရပြီး ယင်းကဲ့သို့ရေးသားရာတွင် တစ်ခုနှင့်တစ်ခု စာလုံးပေါင်းမတူခြင်း မျိူးဖြစ်ပွားလျက် ရှိကာ အခက်ကြုံနေကြရသည်။

ထို့အပြင် အစိုးရ၀န်ထမ်းလျှောက်သည့်အခါတွင်လည်း မှတ်ပုံတင်တွင် ရေးသားသော နာမည် နှင့် ဘွဲ့လက်မှတ်တွင် ရေးသားသော နာမည်များ စလုံးပေါင်း အနည်းငယ်ကွဲလွဲမှုများရှိ သည့်အခါ အလုပ်မရရှိနိုင်ဘဲ နစ်နာခဲ့မှုများ ချင်းလူမျိူးအသိုင်းအ၀န်းတွင် ရှိခဲ့သည်။

Share.

About Author

Leave A Reply

*

code