နှစ် (၇၀) ပြည့် ချင်းအမျိုးသားနေ့ကို ပထမဆုံးအကြိမ်အဖြစ် တရုတ်ပြည် Macau မြို့တွင် ကျင်းပမည်

0

၂၀၁၈ ခုနှစ်၊ ဖေဖော်ဝါရီလ (၂၀) ရက်နေ့တွင် ကျရောက်မည့် ချင်းတိုင်းရင်းသားတို့၏ နှစ် (၇၀) ပြည့် ချင်းအမျိုးသားနေ့ကို ပထမဆုံးအကြိမ်အဖြစ် တရာတ်ပြည်ရောက် ချင်းလူမျိုးများက တရုတ်ပြည် Macau မြို့တွင် ကျင်းပပြုလုပ်မည်ဖြစ်ကြောင်း သိရသည်။ အဆိုပါ အစီအစဉ်ကို တရုတ်ပြည်ရောက် Chin Christian Fellowship မှ ဦးစီးပြီး ကျင်းပသွားမည်ဖြစ်ကြောင်း သိရပြီး သို့သော်လည်း အကြောင်းအမျိုးမျိုးကြောင့် ချင်းအမျိုးသားနေ့ကို ဖေဖော်ဝါရီလ (၂၀) ရက်နေ့တွင် ကျင်းပနိုင်မည်မဟုတ်ဘဲ စောလျှင်စွာ ဖေဖော်ဝါရီလ (၁၁) ရက်နေ့တွင် Macau မြို့ရှိ Kampek Community Centre တွင် ပြုလုပ်ကျင်းပသွားမည်ဖြစ် ကြောင်း Chinlandtoday website တွင် ဖော်ပြသည်။

နှစ် (၇၀) ပြည့် ချင်းအမျိုးသားနေ့ကို ဖေဖော်ဝါရီ (၂၀) ရက်နေ့တွင် ကျင်းပချင်သော်လည်း အလုပ်သမားများဖြစ်နေကြသည့် အတွက် အဆင်မပြေနိုင်ကြောင်း၊ အလားတူ ဖေဖော်ဝါရီ ၁၈ ရက်နေ့ကို စဉ်းစားပြန်တော့လည်း တရုတ်နှစ်သစ်ကူးပွဲနဲ့ တိုက်ဆိုင်သောကြောင့် အားလုံးအဆင်ပြေနိုင်သည့်နေ့ရက်တစ်ရက်ဖြစ်တဲ့ ဖေဖော်ဝါရီ ၁၁ ရက်နေ့ကို ရွေးချယ်ပြီး ကျင်းပဖို့ စီစဉ်လိုက်ချင်းဖြစ်ကြောင်း သိရသည်။

ချင်းပြည်နယ်၏ မြို့တော် ဟားခါးတွင်လည်း နှစ် (၇၀) ပြည့် ချင်းအမျိုးသားနေ့ကို ဖေဖော်ဝါရီလ (၂၀) ရက်နေ့တွင် ဝမ္မသူးမောင် အားကစားကွင်း၌ စည်ကားသိုက်မြိုက်စွာ ကျင်းပသွားမည်ဖြစ်ပြီး ယင်းအခမ်းအနားတွင် ချင်းရိုးရာ ခွေါင်ကြွဲပွဲ၊ ရိုးရာနပန်းပြိုင်ပွဲ၊ အထွဋ်အမြတ်တိုင်စိုက်ထူပွဲ၊ ရိုးရာယဉ်ကျေးမှုအက များဖြင့် ဖျော်ဖြည်မှုများ ထည့်သွင်းကျင်းပသွားမည်ဖြစ်သည်။ အလားတူ နှစ် (၇၀) ပြည့် ချင်းအမျိုးသားနေ့ကို ပြည်တွင်းပြည်ပ နိုင်ငံအသီးသီးရှိ ချင်းလူမျိုးများက မိမိနေရာအသီးသီးတို့တွင် စည်ကားသိုက်မြိုက်စွာ ကျင်းပသွားကြမည်ဖြစ်သည်။

Share.

About Author

Leave A Reply

*

code