မီဇိုး အမျိုးသားတပ်ဦး ပါတီဥက္ကဌ ပူးဇိုရမ်ထန်းအာ က ချင်းပြည်နယ်နယ် ၀န်ကြီးချုပ်တွေ့ဆုံ

0

အိန္ဒိယနိုင်ငံ မီဇိုပြည်နယ်မှ ရောက်ရှိလာသည့် မီဇို အမျိုးသားတပ်ဦး ပါတီ ဥက္ကဌ ပူးဇိုရမ်ထန်အာက ချင်းပြည်နယ် ၀န်ချုပ် ဦးလျန်လွယ်အား ယနေ့တွေ့ဆုံခဲ့သည်။

ကလေးမြို့ကနေ ချင်းပြည်နယ် ဟားခါးမြိုကသို့ ရောက်ရှိလာသည့် ပူဇိုရမ်ထန်အာကို ပြည်နယ်အစိုးရ တာဝန်ရှိသူများက ပြည်ထောင်စုရိပ်သာတွင် ဧည့်ခံကြိုပြီး ပြည်နယ်ဝန်ကြီးချုပ် ရုံးခန်းတွင် တွေ့ဆုံပြု လုပ်ခဲ့ ကြောင်း သိရသည်။

ပြည်နယ် ၀န်ကြီးချုပ်နှင့်တွေ့ဆုံပြီး ညနေ (၄) နာရီခန့်တွင် ဟားခါးမြို့ရှိ မီဒီယာအဖွဲ့နှင့် တွေ့ဆုံရာမှာ ပူးဇိုရမ်ထန်းအာက
ချင်းပြည်နယ် လူထုနှင့် မီဇိုရမ်ပြည်နယ် လူထုအား ပူးပေါင်းမှု ပိုမိုအားကောင်းလာ စေရေးနှင့် ချင်းပြည်နယ် တိုးတက်ဖွံ့ဖြိုးရေးအတွက် မီဇိုရမ်လူထုနှင့် အတူအကွ လုပ်ငန်းအကောင် အထည် ဖေါ် ဆောင်ရွက်နိုင်သည့် အနေအထားများကို လာရောက်လေ့လာနေကြောင်း ပြောဆိုခဲ့ပါသည်။

“ချင်းပြည်နယ်အစိုးရနဲ့ ဒီလုပ်ငန်းများ အကောင်အထည်ဖေါ် ဆောက်ရွက်နိုင်ဖို့ဆိုရင် မီဇိုရမ်ပြည်နယ်မှာ မီဇိုး အမျိုးသားတပ်ဦးပါတီက လာမည့် နိုဝင်ဘာလမှာ အနိုင်ရပါတီဖြစ်ဖို့လိုတယ်။

မိမိပါတီက အာဏာရမှသာလျင် မိမိတို့ပါတီ လိုလားတဲ့ လုပ်ငန်းများ အကောင်အထည်ဖေါ်နိုင်မှာဖြစ်တယ်” ဟု မီဒီယာတွေ့ဆုံပွဲမှာ ပြောကြား ခဲ့ပါသည်။

မီဒီယာတွေ့ဆုံပွဲကို ဟားခါးမြို့ရှိ ရိပန်းသိစ္စာ ကုမ္ပဏီရုံးခန်းတွင် တွေ့ဆုံခြင်းဖြစ်ပြီး ဟားခါးမြို့ရှိ အခြေစိုက် မီဒီယာ သမားများတက်ရောက်ခဲ့ကြသည်။ ပူးဇိုရမ်ထန်းအာနှင့် တာဝန်ရှိသူများသည် ယနေ့ ညနေ (၅) နာရီ ခန့်တွင် ဖလမ်းမြို့သို့ ပြန်လည်ထွက်ခွာကြသည်။

Share.

About Author

Leave A Reply

*

code