ချင်းပြည်နယ်ဝန်ကြီး ဆလိုင်းအိုက်ဇက်ခင်အား ရာထူးမှ နုတ်ထွက်ခွင့်ပြု

0

ချင်းပြည်နယ်အစိုးရအဖွဲ့၊ စည်ပင်သာယာရေး၊ လျှပ်စစ်နှင့် စက်မှုလက်မှုဝန်ကြီးဌာနဝန်ကြီး ဆလိုင်းအိုက်ဇင်ခင်ကို မိမိသဘောဆန္ဒ အလျောက် ပြည်နယ်ဝန်ကြီးရာထူးမှ မေလ ၁၇ ရက်နေ့တွင် နိုင်ငံတော်သမ္မတကြီးက တရားဝင် နုတ်ထွက်ခွင့်ပြုလိုက်ကြောင်း သိရသည်။

ဟားခါးမြို့ပြစီမံကိန်း၊ ဟားခါးဈေးတည်ဆောက်ရေးနှင့် ဖလမ်းရေးပေးရေးစီမံကိန်းလုပ်ငန်းများ သတ်မှတ်အချိန်ကာလအတွင်း အဆင်ပြေချောမွေ့စွာ အကောင်အထည်ဖော်ဆောင်ရွက်နိုင်ခြင်းမရှိခဲ့သည့်အတွက် သက်ဆိုင်ရာပြည်သူလူထုများ အခက်အခဲ တွေ့ကြုံခဲ့ရသောကြောင့် မိမိကွပ်ကဲမှုအောက်ရှိလုပ်ငန်းများနှင့်ပတ်သက်ပြီး တာဝန်ယူ၊ တာဝန်ခံမှုပြုသည့်အနေဖြင့် မိမိသဘောဆန္ဒ အလျောက် ရာထူးတာဝန်မှ နုတ်ထွက်ခွင့်ပြုရန် တင်ပြခဲ့ခြင်းဖြစ်သည်။

ဆလိုင်းအိုင်းဇက်ခင်၏ facebook စာမျက်နှာတွင် ‘မိမိအနေနဲ့ တာဝန်ထမ်းဆောင်စဉ် (၂) နှစ်တာကာလအတွင်း ပြည်နယ်အကျိုးအတွက် ကိုယ်ကျိုးမဖက် ရိုးသားမှန်ကန် သန့်ရှင်းဖြောင့်မတ်စွာ ကြိုးစားထမ်းရွက်ခဲ့ပြီး မိမိကြောင့် ထိခိုက်နစ်နာမှုတွေဖြစ်ပေါ်ကြုံတွေ့ခဲ့ရတာမျိုး ရှိခဲ့မည်ဆိုရင်လည်း မိမိရဲ့အားနည်းချက်တွေဖြစ်ကြောင်း နားလည်ခွင့်လွတ်ပေးကြဖို့ ပန်ကြားကြောင်း’ ဖော်ပြသည်။

ဆလိုင်းအိုင်းဇက်ခင်ကို ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေပုဒ်မ ၂၆၄၊ ပုဒ်မခွဲ (က) နှင့် တိုင်းဒေသကြီး သို့မဟုတ် ပြည်နယ်အစိုးရ အဖွဲ့ ဥပဒေပုဒ်မ ၅၂၊ ပုမခွဲ(ခ) တို့ပါ ပြဋ္ဌာန်းချက်များအရ နုတ်ထွက်ခွင့်ပြုလိုက်ခြင်းဖြစ်သည်။

Share.

About Author

Leave A Reply

*

code