ပြည်ပ၀က် တင်သွင်းခွင့် မီဇိုရမ်အစိုးရပိတ်ပင်

0

ချင်းပြည်နယ်နှင့်နယ်နိမိတ်ချင်းထိစပ်နေသောမီဇိုရမ်ပြည်နယ်အတွင်းပြည်ပဝက်များတင်သွင်းမှုကိုနှစ်လခန့်ခေတ္တပိတ်ပင်ကြောင်းမီဇိုရမ်ပြည်နယ်မြို့တော်အိုက်ဇောလ်ခရိုင်အုပ်ချူပ်ရေးမှူးကပြောသည်။ 

ယခုလိုပြည်ပမှဝင်လာသောဝက်များတင်သွင်းမှုနှစ်လခန့်ပိတ်ပင်ရခြင်းမှာမီဇိုရမ်ပြည်နယ်အတွင်းPorcine Reproductive & Respiratory Syndrome (PRRS) ခေါ်ဝက်ရောဂါပြန့်နှံ့မှုကြောင့်စားသုံးသူပြည်သူများအခက်အခဲမရှိစေရန်ဟုမီဇိုရမ်နေ့စဉ်ထုတ်သတင်းစာThe Aizawl Post တွင်ဖော်ပြသည်။ 

Animal Husbandry and Veterinary (AH & Vety) ၏မှတ်တမ်းပြုစုချက်အရယခုနှစ်အတွင်းဝက်ရောဂါကြောင့်ဝက်၃၁၄၁အကောင်ရေသေဆုံးပြီးဝက်နာရောဂါရှိသူဝက်အကောင်ရေ၇၁၂၂ကောင်ရှိကြောင်းနှင့်အဆိုပါသေဆုံးသည့်ဝက်အနက်၁၂၄၀အကောင်ရေမှာမြို့တော်အိုက်ဇောလ်ခရိုင်အတွင်းရှိဝက်များဖြစ်သည်ဟုထပ်မှန်ဖော်ပြသည်။ 

မီဇိုရမ်ပြည်နယ်တွင်Porcine Reproductive & Respiratory Syndrome (PRRS) နှင့်Classical Swine Fever (CSF) ခေါ်ဝက်ရောဂါနှစ်မျိုးပြန့်နှံ့သည်ဟုသိရပြီးသေဆုံးသွားသည့်ဝက်များမှာများသောအားဖြင့်PRRS ဝက်ရောဂါကြောင့်ဖြစ်သည်ဟုသိရသည်။ 

အဆိုပါဝက်ရောဂါများသည်အလွယ်တကူကူးစက်နိုင်သောရောဂါများဖြစ်သည့်အတွက်ရောဂါမပြန့်နှံ့အောင်တာဝန်ရှိသူများမှတားမြစ်ပိတ်ပင်မှုကိုပြည်သူများမှလိုက်နာခြင်းမရှိပါကတည်ဆဲဥပေဒအရအမှုဖွင့်အရေးယူသွားမည်ဟုသိရသည်။

Share.

About Author

Leave A Reply

*

code