နယူးဒေလီရောက် ဒုက္ခသည်များ UNHCR ကို ကန့်ကွက်ဆန္ဒပြမည့်ရက် ရွှေ့ဆိုင်း

0

ချင်းလူမျိုးဒုက္ခသည်အရေးနှင့်ပတ်သက်၍ကုလသမဂ္ဂဒုက္ခသည်များဆိုင်ရာမဟာမင်းကြီးရုံးUNHCR ထုတ်ပြန်ချက်ကိုကန့်ကွက်ဆန္ဒပြမည့်အစီအစဉ်ကိုဇူလိုင်လအတွင်းပြုလုပ်ဖို့စီစဉ်ထားသော်လည်းလိုအပ်သည့်စာရွက်စာတမ်းအထောက်အထားမစုံလင်သေးသောကြောင့်လာမည့်သြဂုတ်လ၂၀ရက်နေ့တွင်ပြုလုပ်ရန်ရွှေ့ဆိုင်းလိုက်ရကြောင်းChin Refugee Committee (CRC) ဥက္ကဌRemmawi ကပြောသည်။ 

“အစကဇူလိုင်လအတွင်းလုပ်ဖို့ရည်ရွယ်ထားပေမယ့်လိုအပ်တဲ့စာရွက်စာတမ်းအထောက်အထားတွေကမစုံလင်သေးတော့မလုပ်ဖြစ်တာဖြစ်တယ်” လို့သူမကပြောပါသည်။ 

အဆိုပါကိစ္စနဲ့ပတ်သက်ပြီးဆန္ဒပြမည့်အစီအစဉ်ကိုသြဂုတ်လဆန်းပိုင်းအတွင်းလုပ်ဖို့ရည်ရွယ်ထားသော်လည်းသြဂုတ်လ၁၅ရက်သည်အိန္ဒိယနိုင်ငံလွတ်လပ်ရေးနေ့ဖြစ်နေသည့်အတွက်မလိုလားအပ်သည့်ပြဿနာများဖြစ်ပေါ်နိုင်သောကြောင့်လွတ်လပ်ရေးနေ့နောက်ပိုင်းတွင်ဆက်လက်လုပ်ဆောင်သွားဖို့ဆုံးဖြတ်လိုက်ရခြင်းဖြစ်တယ်လို့ခိုနှုမ်းသုန်သတင်းဌာနကိုယခုလိုဆက်ပြောပါသည်။ 

“သြဂုတ်လ၁၅ရက်နေ့ဟာအိန္ဒိယလွတ်လပ်ရေးနေ့ဖြစ်နေတဲ့အတွက်ရဲတွေကလည်းဆန္ဒပြမယ့်နေရာပေးမှာမဟုတ်ဘူး၊ခွင့်ပြုမှာလည်းမဟုတ်ဘူး။ဒါကြောင့်သြဂုတ်လ၂၀ရက်နေ့မှာလုပ်ဖို့ကျမတို့ယာယီရွှေ့ဆိုင်းလိုက်ရခြင်းဖြစ်တယ်” လို့ပြောသည်။ 

မလေးရှားနှင့်အိန္ဒိယနိုင်ငံတို့တွင်ရောက်ရှိနေကြသည့်ချင်းလူမျိူးများကိုဒုက္ခသည်အဖြစ်ခိုလုံခွင့်ပြုတော့မည်မဟုတ်ကြောင်းကုလသမဂ္ဂဒုက္ခသည်များဆိုင်ရာမဟာမင်းကြီးရုံးUNHCR ထုတ်ပြန်ချက်ကိုလက်မခံနိုင်သည့်အနေဖြင့်အိန္ဒိယနိုင်ငံနယူးဒေလီရောက်ဒုက္ခသည်များဆိုင်ရာအဖွဲ့အစည်းများမှကန့်ကွက်ဆန္ဒဖော်ထုတ်ဖို့စီစဉ်ခြင်းဖြစ်သည်။ 

အိန္ဒိယနိုင်ငံနယူဒေလီမြို့တွင်တိုင်းရင်းသားအသီးသီးမှဒုက္ခသည်အဖြစ်လာရောက်ခိုလှုံသူများစွာရှိနေပေမည့်ယခုလက်ရှိအခြေအနေတွင်ချင်းလူမျိုးဒုက္ခသည်အဖြစ်နေထိုင်သူစုစုပေါင်း၃၀၀၀မှ၃၅၀၀ဝန်းကျင့်ခန့်ရှိကြောင်းသိရသည်။

Share.

About Author

Leave A Reply

*

code